SUPERBALITA CEBU

Cortes nasagmuyo sa MCWD

MIPADAYAG sa iyang pagkadismaya ang mayor sa dakbayan sa Mandaue Jonas Cortes tungod sa padayong kakuwang sa supply sa tubig nga nasinati na sa tibuok dakbayan.

Apektado na ang bag-ong merkado, mga tunghaan ingon man ang pang adlaw-adlaw nga gamiton sulod sa Mandaue City Hall.

Una nang mipadayag ang Mayor sa gusto niini nga pag pangita ug laing water service diha sa Barangay Guizo sa maong siyudad nga mao ang Pilipinas Water Services Inc., tungod kay di na maato sa Metro Cebu Water District (MCWD_ ang pag-supply sa dakbayan.

“Sa tinud-anay lang wa gyud tay choice ako disappointed kaayo ko sa MCWD, ang City Hall ang atong Public Market ang Sports Complex wa gyuy tubig mao na nga gikinahanglan na gyud ug di nila kaya mangita tag lain nga source sa tubig”, matod ni Cortes.

Gahapon gisubay sa sakop sa Market Committee ingon man sa City Engineering Office sa kagamhanan sa dakbayan ang mga linya nga pwedeng gamiton sa pagbutang na unya sa tubo sa tubig.

Moabot sa 20 ngadto sa 24 cubic meter ang magamit sa tibuok merkado matag adlaw.

Mipasalig ang operations head sa Pilipinas Water Sources Inc., Rufijo Bolivar nga maka-supply sila og moabot sa 50 cubic meter matag adlaw sa merkado.

Buot ipasabot, kaigo na ug sobra pa sa matag adlaw nga konsumo sa merkado.

Mipadayag usab ang Market Administator Mussoline Soliva nga tungod sa pagtap sa syudad sa laing water service gipanglantawan nga dunay usbaw sa abangan sa mga manindahay sa bag-ong merkado.

Ang City Disaster Rick Reduction Management Office (CDRRMO), Department of General Services (DGS) ug Bureau of Fire Protection nagtinabangay sa pag-supply ug tubig sa merkado ug city hall nga gikan sa mga hydrants.

Sa ilang bahin ang tigpamaba sa MCWD, Charmaine Rodriguez-Kara nangayo ug dispensa sa kakuwangon nga nasinati sa syudad ug sa mga silingang lungsod niini.

Giangkon ni Kara nga kuwang gyud ang ilang supply tungod na usab sa salt intrusion sa tubig.

“We deeply apologize to our customers in Mandaue and to the local officials for the water supply shortage being experienced by our customers, In the mean we will collate all the complaints and focus on the areas which are experiencing lesser nga service hours”, matod ni Kara.

Lakang sa MCWD mao ang rationing ug padayon nga pagpahinumdom sa publiko nga magsawd ug magtipid sa pag gamit sa tubig. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph