USA ka container van ang giharangan sa Traffic Enforcement Agency sa dakbayan sa Mandaue (TEAM) niadtong Septiyembre 17, 2019 sa Ouano Avenue, dakbayan sa Mandaue human kini ilegal nga nag-parking sa daplin sa dalan.
Matod sa TEAM nga atol sa ilang pag isyu ug ticket, nanimaho ang maong van hinungdan nga giharangan nila kini.
Pagbukas sa van, nakita ang nagtapun-og nga drums sulod diay sa maong karga ang hospital wastes gikan sa Vicente Sotto Memorial Medical Center (VSMMC).
Kini sama sa mga syringe, dextrose, ug uban pa nga infectious wastes.
Matod ni Acting Assistant Head sa MCENRO, Flash Jerusalem nga gipatawag nila ang Environmental Management Bureau (EMB) nga misusi kon tugutan ba kini nga molarga.
Padulong unta sa pier ang maong van aron i-deliver ang mga hugaw ngadto sa Rehiyon IV sa probinsya sa Cavite sa usa ka Treatment Facility of Integrated Waste Management kon asa kini i-treat.
“Dunay drums sa hazardous wastes nga nakita namo sa markings, ang issuance atong gipa-onfirm kon valid ba ka yang treater tua man sa Region IV unya ang source sa waste ang Region VII man”, matod ni Jerusalem.
Atol sa pagsusi sa EMB kompleto man hinuon kini ug dokumento sama nalang sa Environmental permits gikan sa Department of Environment and Natural Resources (DENR) apan matod niya wa kini Environmental Transport Permit gikan sa opisina sa mayor nga gikinahanglan kon moagi kini sa syudad.
Hinungdan nga makamulta sila ug P1, 500 sa maong kalapasan.
Sa ilang bahin ang Legal team sa VSMMC miklaro nga gikontrata nila ang Oceanic Cargo Shipping nga maoy mukarga sa mga hospital wastes.
“Naabot to didto kay syempre ang bay side which is ang transport nikontrata sila nigamit sa van sa Oceanic so ang yarda nila naa diha luyo sa BAI Hotel”, matod ni Jerusalem. (ANV)