15,000 ka punoan sa marijuana ang naibot

KAPIN sa P6 milyones nga balor sa marijuana ang naibot sa duha ka mga buwag nga operation sa mga operatiba sa Cebu City Police Office (CCPO).

Sa Martes sa kaadlawon, sa sitio Mit-ol, sakop sa Barangay Tagba-o, bukirang dapit sa Siyudad Sugbo, naibot ang kapin 15,000 ka mga punoan sa marijuana.

Hiniusang nilusad sa operasyon ang Cebu City Mobile Force Company, Drug Enforcement Group (DEG), City Drug Enforcement Unit lakip na ang Philippine Drug Enforcement (PDEA) 7 ug Naval Forces Central (Navforcen).

Nasikop nila ang giingong nagtikad sa marijuana nga ilang naabtan nga si Junrel Cubong, 24.

Ang operasyon gipangulohan ni PLt. Col. Randy Korret, commander sa CFMC.

Si Korret nibutyag sa Superbalita Cebu nga ang gihimong operasyon tiplk ug kabahin sa ilang pag-implimentar sa Oplan Echelon.

Buy-bust

Samtang upat ang nadakpan sa buy-bust operation sa mga sakop Drug Enforcement Unit sa San Nicolas Police Station sa Sitio Lawis,Barangay Pasil, ning siyudad.

Ang nasikop nila ni P/Maj. Kenneth Paul Albotra giilang sila si Jhon Peter Seri, 18; Vicente Castanares, 23; ug Amabelle Sabandija, 18. Nasalkmit atol sa ronda ang pinutos nga mga marijuana. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph