Ancajas modepensa batok ni Rodriguez

INTERNATIONAL Boxing Federation (IBF) Super Flyweight Champion “Pretty Boy” Jerwin Juntilla Ancajas nga sakop sa MP Promotions modepensa sa iyang bakus batok sa Mexican challenger karong Nobyembre 2, 2019 Sabado sa Dignity Health Sports Park sa Carson, California sa Estados Unidos.

Ang taga Banana Capital of the Philippines o Panabo City, Davao del Norte nga si Ancajas (31-1-2, 21KO) sa ika-8 nga higayon iyang depensaan iyang titulo batok San Luis Potosí, Mexico’s pride Jonathan “Titan” Rodriguez (21-1, 15 KO).

Daghang nagtuo nga sayon ang kontra ni Ancajas nga si Rodriguez tungod kay IBF rated # 14 lamang kini apan nasayop sila sanglit 68% nga knockout artist ang boxer gikan sa Mexico samtang 61 porsyento lang ang iya sa walhonng pinoy boksidor nga si Ancajas.

“Fifty-fifty chance sa fight na ito. Magaling, matapang, at malakas ang makakalaban ni Jerwin (Ancajas). Kaya todo banatan kami sa training kami ngayon, pinag aralan namin ng husto ang estilo ni Rodriguez,” matod ni Coach Joven Jimenez, ang trainer/manager ni Ancajas, atol sa interview sa Superbalita Cebu.

Duha na ka buwan gani 90 percent na sa training si Ancajas sulod sa Naval Education Training Command (NETC) Zambales, Philippines diin gikonaiderar ni Jimenez nga sakto na sa timbang ingon man kondisyon na kaayo ang iyang walhon, mapahiubsanon ug loyal kaniya nga boxer.

Sa sparring session makaburak nag 6 ngadto’s 8 rounds si Ancajas diin iyang mga kapares sa training sila si Daniel Lim, John Mark Alimane, Miller Alapormina, Angelo Beltran, Alexis Abilar ug George Nuez.

Samtang subrang kalipay ang gibati sa team Ancajas sa gihatag nga pabor sa Philippine Navy Forces alang sa training camp ni Jerwin.

“Malaking pasalamat po kami kay Flag Officer in Command Vice Admiral Robert Arugay Empedrad PN AFP at sa buong Phil Navy sa suporta nila kay Jerwin,” panapos ni Coach Jimenez kinsa lumad nga taga Barangay Lourdes, 3rd class Municipality of Dangcagan, Bukidnon Province.

Ang team Ancajas langkuban nila ni Jerwin, Joven, Fernando Parcon, Jeaneth Aro, Virgil Jimenez ug Todd Makelim molupad sa Amerika sa ikaduhang semana sa Oktubre.

Ang Ancajas vs Rodriguez 12-round 115-lb title fight maoy co-main event nila ni Mexican Miguel Berchelt nga modepensa sa iyang bakus batok ni American challenger Jason Sosa alang sa WBC Super Featherweight title nga gidalit sa Top Rank Promotions ni Robert “Bob” Arum sa Top Rank Promotions nga isalida sa ESPN. (Superbalita Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph