ANG giilang Cebuano Hotshot sa Philippine Basketball Association (PBA) kinsa usa na karon ka konsehal sa dakbayan sa Sugbo, maoy magsilbing special guest sa 2019 edisyon sa Press Freedom Trail run nga ipahigayon sa alas 6:30 sa buntag ugmang adlawa diha sa Cebu Business Park sa Ayala Center.
Isip kabahin sa pagtak-op sa usa ka semanang kalihukan sa Press Freedom Week, ang tinuig nga fun run salmotan sa mga sakop sa broadcast, print, radio ug online media sa Sugbo.
Ang mga partisipante nga manukad atubangan sa City Sports gibahin ngadto sa duha ka kategoriya - 3km run ug 5 km.
Si Hontiveros, kanhi sakop Gilas Pilipinas, nakaduwa sa PBA sulod sa 16 ka tuig ubos sa San Miguel Beer, Air21 ug Alaska Aces. Nalakip usab siya sa Alab Pilipinas, ang 2017 champion sa Asean Basketball League (ABL) sa wala pa kini moretiro.
Nagpapili ug nahimong no. 1 elected-councilor sa Cebu City South District sa niaging piniliay. Siya ang chairman sa committee on sports sa konseho. (JBM)