“JOURNALISM is not dying, the platforms are just evolving.”
Mao kini ang sulti ni Ana Marie Pamintuan, editor-in-chief sa The Philippine Star, atol sa forum nga “The News in Challenging Times ,“ kauban ang editor-at-large sa News5 Digital nga si Manuel Mogato.
Ang forum gipahigayon sa Marcelo B. Fernan Cebu Press Center sa Huwebes, Septiyembre 19, 2019.
Ang gihisgotan sa forum mao ang mga hagit nga giatubang sa industriya sa media karong panahona. Usa sa mga gihisgotan mao ang pag level-up sa presentasyon sa ilang mga balita labi na pakigkompetensya sa social media.
Sa kaso ni Suzanne Alueta Salva, program manager sa Balitang Bisdak, suma pa niya nga sa tradisyonal nga media, maglisod sila sa pagdani sa mga tawo nga motan-aw sa ilang balita labi na nga kini gipakatap na sa social media.
Lakip sa mga hagit nga gihisgotan mao ang pag-validate ug verify sa mga balita labi na sa mga nikatap sa social media.
Usa kini sa mga hagit sa media tungod kay maglisod na sila sa pagtul-id sa sayop, labi na sa mga viral nga post o video labi na nga kasagaran niining mga post mipakita lang sa usa ka bahin sa estorya.
Lakip sab sa mga gihisgotan mao ang sweldo sa media ug ang di malikayang pag-atubang sa kaso sa libel.
Sa kadaghang hagit nga giatubang sa industriya gisiguro gihapon niini nga mag-abli og daghang oportunidad sa mga estudyante sa communication.
“Even if we are downsizing, we are still giving new talent, mostly people skilled in multi-platform,” sigon Pamintura. Sa laing bahin, si Alueta niawhag sa mga estudyante nga permaninting huna-hunaon ang rason kon nganong nikuha sila sa kursong Mass Communication. (KFD)