SUPERBALITA CEBU

Positibo sa drug test tangtangon

HAYAN tangtangon ni Lapu-Lapu City Mayor Junard “Ahong” Chan ang duha ka mga kawani sa City Disaster Risk Reduction and Management Office (CDRRMO) nga nagpositibo sa gipahigayong kinalit nga drug test sa City Of Lapu-Lapu Office of Substance Abuse and Prevention (C-Losap) niadtong Martes, Septiyembre 17.

Gihuwat pa hinuon ni Chan ang confirmatory test sa naasoyng drug test aron masigurong tiggamitan ba og ginadiling drugas ang duha.

Awhagon usab ni Chan ang duha nga nagpositibo sa pagpaubos sa barangay base rehabilitation program sa dakbayan apan iya pang tun-an kon ugaling tugotan ba kini niyang makabalik pagtrabaho sa city hall.

Giangkon ni Chan nga nasurprisa siya nga adunay nag positibo sa gipahigayong drug test sa C-Losap.

Subsob na man unta ang kampanya batok sa ginadiling drugas, dili lang diha sa city hall kundili lakip na usab sa kapulisan kay mao man kini ang mandato ni Presidente Rodrigo Duterte.

“Tagaan nato siya og kahigayonan nga makabalik sa iyang trabaho kay siyempre tawo rapud mao mohatag ta og kahigayonan nga magbag-o sila sa ilang kinabuhi we will help them ti change their life," matod ni Chan.

Subay sa kampanya batok sa ginadiling drugas, gimandoan na pagbalik ni Chan ang kapulisan sa curfew ordinance sa dakbayan alang sa mga menor de edad sugod kagabii.

Kini human nga nabantayan sa mayor nga nisiaw na usab ang pagpahimulos sa mga dautang elemento sa kabatan-onan.

Human sa usa ka menor de edad nga giamong-amongan sa lima ka lakake sa Barangay Marigondon niadtong miaging semana, karon aduna na usay laing menor de edad nga giingong nagpatabang sa kagamhanan sa dakbayan nga giingong gihilabtan og usa ka hamtong pinaagi sa paghaylo niini ug mga pasalig diha sa social media.

Giingong gidala ang naasoyng menor de edad sa usa ka pension house ug gibiyaan.

Nagpadayon na hinuon ang imbestigasyon sa kapulisan sa insidente alang sa pagsikop sa suspetsado.

Alas 10 sa gabii hangtod sa alas 5 sa kadlawon, did-an na gayud ang mga menor de edad sa paglaroy-laroy sa kadalanan aron kalikayan nga mabiktima sa dautang elemento.

Gipahimangnoan usab sa mayor ang mga pension house sa dakbayan sa paghugot sa ilang lagada sa pagdili nianang mga hamtong nga mocheck-in sa ilang mga establisimento kauban ang mga menor de edad gumikan kay aduna nay ordinansa ang dakbayan kalabot niini.

Dili pa hinuon ika alarma ang naasoyng mga insidente apan di na lang buot nga huwaton ni Chan nga mograbe ang naasoyng suliran kon ugaling pasagdan lang.

“Kani siya nigawas lang ni siya tungod sa panghitabo ang ako lang ang mga kabatan-onan wa silay kasumbongan now that the mayor is openly campaigning nga og naay mahitabo niini, naay problema you can approach the mayor para nako di ra kaayo problema,” matod ni Chan.

Panawagan ni Presidente Rodrigo Duterte nga luwas sa gidiling drugas ang mga trabahante sa gobiyerno isip modelo sa publiko.

Ang kampanya batok sa gidiling druags mao ang flagship nga kampanya sa administrasyon ni Duterte.

Tungod sa kahigpit sa kampanya, mao usab kini ang gihimong isyu sa iyang mga kontra ug human rights groups sa iyang administrasyhon. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph