SUPERBALITA DAVAO

‘Arte sa pagsundog’

DIHANG siya nuwebe anyos pa lang, nadiskubre na niyang may abilidad siyang mosuon sa mga inilang Hollywood celebrities sama ni The Queen “B” Beyonce nga gama sa reusable materials.

Padayon niya kini nga gibuhat hangtud sa milambo ug mas nakat-on siya sa pagsuon sa ubang Hollywood celebrities ug di lang si Beyonce.

Ug tungod sa iyang kamaayo, na-feature siya sa national television human niya gisuon si Lady Gaga niadtong 2010.

Nag-upload siya og video niya as Lady Gaga samtang gisuon ang video sa “Telephone” sa singer.

Ning video, migamit siya og mga scrap materials sama sa karaang CDs, bisan gamit sa kusina isip props.

Gipakita niya dinhi unsa ka mamugnaon ang mga Pinoy.

Sud lamang sa pipila ka semana human niya giupload ang video miani na kini og 300,000 views.

Si Vinzon Leojay Booc, mas naila nga Lady Gagita, gikan sa Bunawan, Davao City, karon usa na ka professional impersonator ni Lady Gaga.

Siya may regular shows sa Metro Manila clubs, wa pay labot ang ubang gigs ug performances niya.

“Lady Gaga because it is by impersonating her that I found my niche,” niya sa pakighinabi sa SunStar Davao studio.

Niadtong 2014 gipaguwa niya ang “Telephone” Parody Part 2 sa YouTube diin miani na sab kini og 1.5 million views.

Niya, ang pagsuon niya kang Lady Gaga ang nakapasikat kaniya, diin may mga facial features siyang susama lang sa singer.

Apan, wa niya gilimitahan ang kaugalingon sa pag-impersonate og usa lang ka personalidad, diin ubay-ubay pa ka celbes ang iyang ginasundog sa iyang mga shows.

Gisuon na niya sila Aladdin and Jasmine sa movie nga Aladdin, Miley Cyrus, Madonna, Nicki Minaj, Iggy Azalea, Dua Lipa, Taylor Swift, ug Ariana Grande.

Gikopya sab niya si Mader Sitang, ang internet sensation sa Thailand lakip na ang K-pop female group nga Momoland.

Ni Booc nga sa matag shows nga iyang himuon buot niyang maka-inspired og kabataan nga nangandoy sab nga mahimong malampusong performer pag-abot sa panahon.

Niya, ang pag-impersonate usa ka klase sa art, diin wala lamang siya nag-apas sa kitaon, apan kini tungod sa iyang dedikasyon ug kaikag.

Ug tungod sab sa iyang pag-impersonate nahimamat niya sa personal sila Lady Gaga ug Katy Perry.

Na-feature sab siya sa Europe’s regional Arts and Culture TV channel, Tracks Arte TV Europe, usa ka TV magazine nga makita sa France ug Germany ug uban pang European countries.

Sa kasamtangan, nanukad si Lady Gaga sa iyang birthday show, “Monster Ball” karong September 20, Biyernes, sa Level VIP Club sa Quezon City.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph