SUPERBALITA DAVAO

P200,000 ganti makatudlo sa mga nipatay sa kapitan, negusyante

KIDAPAWAN CITY -- Nagpagawas og ganti nga kantidad og P200,000 ang lokal nga kagamhanan sa Kabacan sa probinsiya sa North Cotabato bugti sa bisan kinsa nga makatudlo sa mipatay sa barangay kapitan ug usa ka negusyante.

Sa gihimong Municipal Peace and Order Council Meeting niadtong Miyerkules, Septyembre 18, nga gipangulohan ni Mayor Herlo Guzman, Jr., nagkahiusa ang mga opisyal sa Kabacan nga magpagawas og ganti nga P100,000 alang sa makatudlo sa pagpatay sa negusyante samtang laing P100,000 alang sab sa mamumuno sa kapitan.

Kahinumdoman nga gipusil patay ang negusyante nga si Jonna Racquel, kauban ang iyang mister nga si Danny nga samdan sab niadtong higayona nga nahitabo sa lungsod.

Samtang patay sab si Barangay Lower Paatan chairman Ben Ilisan Kandanganan human gipusil samtang paingon sa iyang uma.

Panawagan ni Mayor Guzman sa katawhan nga makig-alayon sa mga awtoridad kung dunay hulga sa ilang kinabuhi.

Itaho dayon sa militar ug kapulisan kung dunay mamatikdan nga kadudahan nga mga tawo ug igmaton ang kaugalingon.

Gipalig-on sab sa Kabacan Municipal Police Station ang seguridad sa lungsod ug mihimo og imbestigasyon sa sunod-sunod nga pagpamusil sa lungsod. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph