SUPERBALITA DAVAO

2 backhoe operator nag-unay

SAN ISIDRO, Davao del Norte -- Suwerte nga wa maigo sa bala ang usa ka operator sa backhoe nga gipusil sa laing operator samtang sila nag-istoryahanay sa Barangay Monte Dujali, Sitio Kimataan alas 5 sa hapon, niadtong Miyerkules, Septyembre 18.

Ang biktima giila nga si Ronnie Pabroque Macasasa, 56, backhoe operator sa Brocklyn Company ug molupyo sa Barangay Monte, Dujali, Sitio Kimalaan.

Sa report nga nakuha gikan sa Davao del Norte Police Provincial Office, nasayran nga ang biktima nga si Macasasa midangat sa San Isidro MPS ug nagpahibalo nga siya gipusil sa iyang kauban sa trabaho didto gawas sa ilang bunkhouse sa Barangay Monte Dujali, Sitio Kimataan.

Dayong miresponde sa dapit ang mga kapulisan sa San Isidro Municipal Police Station aron sa pagsusi sa hitabo.

Matud pa nga sa pag-abot sa mga pulis sa dapit kauban ang biktima nga si Macasasa, ang suspek nakasibat na paingon sa wala masayring direksiyon.

Sa imbestigasyon sa kapulisan, nailhan ang suspek nga mao si Jojo Manglupa, 38, minyo, usa sab ka backhoe operator sa Broclyn Company nga kasamtangang nanimuyo sa maong dapit.

Base sa inisyal nga imbestigasyon, ang biktima nga si Macasasa, Theresita Paglinawan ug ubang mga trabahante, kauban ang suspek nga si Manglupa, nag-istoryahanay gawas sa ilang bunkhouse ug samtang taliwa sa panaghisgot ang suspek mihulbot sa gitakin nga cal. 38 sa iyang hawak ug gipusil ang biktima sa wa masayring rason.

Apan suwerte na lang nga wa maigo ug daling midagan kauban sa iyang kapuyo ug misakay sa motorsiklo padulong San Isidro MPS aron isumbong ang hitabo. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph