Best Tourism Oriented LGU kab-uton sa MisOr

KARONG adlawa depensahan sa Misamis Oriental ug buot kab-uton ang titulong Best Tourism-Oriented Local Government Unit (provincial category) nga usa sa pinakataas nga kadungganan nga ihatag sa Department of Tourism (DOT) ug Association of Tourism Officers of the Philippines (ATOP) Pearl Awards.

Gilantaw niining maong pasidungog ang mga best practices sa usa ka lokal nga pangagamhanan nga adunay dakong kalamboan hilabina gyod ang pagpalambo sa industriya sa turismo.

Mapasigarbuhon nga gipaabot ni abogado Jeffrey Saclot ang MisOr Provincial Tourism Department head nga pasok na daan sa top 3 sa tibuok nasod ang lalawigan ug adlaw’ng Biyernes kauban si Misamis Oriental Governor Bambi Emano, ilang depensahan nga angayan ang lalawigan sa maong titulo.

“Well, I think one of our edges is the fact that we are now a department, compare to other provinces ang tourism, office pa gihapon hangtud karon. Diri sa lalawigan, is already a department so that’s our edge and I think, daku kaayo og contribution ang atong pag host sa National Convention last year sa Association of Tourism Officers of the Philippines, because dili tanan probinsya ang makagahom nga mag host...since we are considering the security, facilities, the readiness of the people, the tourists spots kung ready naba mudawat og bisista. Those are the consideration nga gabasihan sa atong mga judges,” matud ni Atty. Saclot.

Karong adlawa gikatakdang moadto sa kaulohan si Saclot ug Governor Emano.

“Si Gov ug ako will fly sa UST kay i-defend namu ang Misamis Oriental. Hopefully, we will get the highest distinction. Last year, it was Ilocos Norte that won the distinction. To be on top that’s our target because we want to send a message to the whole Philippines that the administration of Governor Bambi Emano is very much serious on promoting the province,” matud niini.

Si Emano namahayag sab nga sa kadaghan sa lalawigan sa nasod sa Pilipinas apan sa pagkapili ug pagka kwalipikado sa lalawigan sa maong pasidungog sa entiro nasod dako na kini kaayo nga garbo apan kumpiyansa kini nga makab-ot ang pasidungog tungod kay daw iyang nabati ug mapasigarbo nga dako na kaayo og naabtan ang turismo sa Misamis Oriental nga naila na kaayo karon sa nasod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph