DETINADO karon sa buhatan sa Criminal Investigation and Detection Group (CIDG) ang kanhi mayor sa lungsod sa Mahinog, probinsya sa Camiguin.
Gisilbihan og warrant of arrest si Alex Rullon Jajalla, 62, minyo, kanhi mayor sa nasangpit nga lungsod ug residente sa Barangay Hubangon.
Kini pinangulohan sa mga operatiba sa CIDG ug mga personahe sa Mahinog Police Station, RFU-10.
Ang warrant gi-isyu ni Hon. Ma. Theresa Dolores Gomez Estoesta, chairperson sa 7th Division sa Sandiganbayan, Quezon City.
Konbiktado si Jajalla niaging tuig Septiyembre 2018 ug iyang giapela iyang conviction apan gi-deny kini Nobiyembre 2018.
Niadtong October 2018, ang Sandiganbayan nag-rule kang Jajalla human nakasupak sa Republic Act of 3019 o Anti-Graft and Corrupt Practices Act dihang iyang igsuon nga si Misael Rullon iyang gitugotan nga mag-leave with pay sulod sa unom ka bulan.
Temporaryo kining gidetain sa CIDG ug gikatakdang i-turnover sa Sandiganbayan.