SUPERBALITA CAGAYAN DE ORO

2 nakabenepisyo sa GCTA mitahan

BOLUNTARYONG nitahan ang duha ka mga nakabenepisyo sa good conduct time allowance (GCTA) niadtong Septiyembre 18 sa Police Station 8 (PS8) sa Barangay Lumbia, dakbayan sa Cagayan de Oro.

Ang mga nitahan naila nga sila si Aljin Paborada, 34, ulitawo nga taga Barangay Taglimao, ning siyudad ug Jose Perez, 45, ulitawo nga taga San Isidro, Lumbia.

Sa impormasiyon gikan sa kapulisan sa PS8 sa pagpangulo na usab ni Police Captain Dennis Ebsolo, gikabutyag nga nitahan si Paborada sa kapulisan mga alas 9:30 sa buntag niadtong Septiyembre 18 kinsa dunay kaso nga homicide kinsa nakagawas niadtong Agusto 23 ning tuig.

Samtang nitahan si Perez mga alas 6 sa gabii sa susamang adlaw ug nakagawas niadtong Mayo 21 tuig 2018 pinaagi sa GCTA kinsa dunay kaso nga murder ug frustrated murder.

Kini gumikan na sa kamandoan ni Presidente Rodrigo Duterte nga kinahanglan nga motahan ang maong mga nakabenepisyo sa maong balaod.

Sa pagsulat niini nga balita, anaa na sa 28 ang mga nitahan sa kapulisan sa Northern Mindanao nga mga nakagawas tungod sa GCTA.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph