NAKASULOD sa semi-finals ang Lanipga human nila gipangmakmak ang Tolotolo, 96-82, sa IB Seniors Category B division sa 10th Mayor Alegado’s Cup Basketball Tournament ning bag-uhay lang sa Consolacion Sports Complex.
Gipabulhot sa Lanipga ang ilang opensa sa 4th quarter aron angkunon ang kadaugan.
Ikasangka sa Lanipga sa semis ang Garing.
Gipangulohan ni Jenmar Arvilla pinaagi sa iyang 31 puntos, nidugang og 29 puntos si Michael Barong samtang niamot og 27 puntos si Junrey Arcilla .
Sa IB Seniors Category A, nagpabiling buhi ang paglaom sa defending champions Pulpogan human nila gipangpukan ang Sacsac, 72-63.
Sa Midgets Category B, ninglampos ang Tolotolo batok sa Sacsac, 72-63, aron pag-abante sab sa semis. (ESL)