GITANGTANGAN sa San Miguel Beermen og korona ang defending champions Ryukyu Golden Kings sa Japan, 101-92, aron pagbaton og tiket sa semi-finals sa East Asia League Terrific 12 niadtong Huwebes Macau.
Nagpakita na sab og maayong duwa sila si import Dez Wells ug Terrence Romeo aron agakon ang Beermen sa ikaduha niining sunodsunod nga kadaugan nga nagpahiluna kanila isip No.1 team sa Group B.
Nagpakatap og 42 puntos si Wells samtang niamot og 18 puntos alang sa Beermen.
Sa semis, ikaparang sa Beermen ang Lianoning Flying Leopards nga gipangulohan ni kanhi National Basketball Association (NBA) star Lance Stephenson.
“I can’t take credit for tonight, I give it to my teammates and coach. They made a great job putting us in the right position,” matod ni Wells nga napatik sa Spin.ph.
“Tonight is a manifestation of the things coach and the team believes. This is how we’ll be successful this season.”
Ang laing import sa Beermen nga si Lester Prosper nidugang og 15 puntos alang sa kadaugan.
“We knew this would be a difficult game for us after their (Kings) losss. They will come out fighting hard because they’re the defending champions,” batbat ni San Miguel coach.Leo Austria.
Ang torneyo tipik sa preparasyon sa Beermen alang sa PBA Governor's cup.
San Miguel (101) - Wells 42, Romeo 18, Prosper 15, Zamar 9, Standhardinger 7, Pessumal 5, Santos 3, Ross 2.
Ryukyu Golden Kings (92) - Brooks 34, Kishimoto 12, Hasegawa 9, Kantake 9, Mitsuhara 8, Namizato 8, Ishizaki 5, Fukuda 4, Onodera 3. (ESL)