MATAG higayon
Nga duawon ako sa kalaay,
Matag higayon
Nga manumbalay ning galamhan
Ang tumang kamingaw,
Ang akong sista nga karaan
Nga ginama sa kahoyng Nangka
Nga gibitay ko
Sa bungbong namong amakan
Maoy akong tugtugon
Kay maoy makahupay
Sa nagsubo kong dughan.
Inighangad ko sa langit
Makita ko ang puting panganod
Nga mopasunding sa nahanaw
Mong larawan diha sa malamatong gabon.
Ug manganawkanaw sa tibuok palibot
Ang malamatong lagingling
Sa huni sa sista ning nagkalawom
Nga kagabhion.