DEAR Noy Kulas,
Duna koy kaipon sud sa pipila ka tuig. Naa siyay usa ka anak sa laing lalake, apan ako gihapon siyang gidawat kay nahigugma ko niya. Sa katuigan namong panag-uban, dunay mga higayon nga buwag-balik mi.
Nibahad siya nako nga mobawos ra siya puhon, apan wa nako gi-mind. Niabot ang time nga gaaway na sab mi ug maorag gusto na siyang makigpatay mao nga na-shock ko. Nilayas na pud ko kay di ko gusto og gubot. Niabot ang time nga ako siyang nasakpan nga dunay ka chat nga iyang kauban sa trabaho mao nga nag-away na pud mi. Makig-estorya na unta ko sa lalake pero wa siya mosugot. Nihilak siya ug ni-hug nako mao nga nagbalik na sab mi.
Niabot ang panahon nga nagkita sila sa amahan sa iyang anak. As a father, okay ra nako nga makakita ug makaila ang bata sa iyang amahan. Sakit nako pero akong giluom ang tanan para lang sa bata. Pagkita nila, akong na-feel nga maora siyag gimingaw sa amahan sa bata. Paglabay sa pipila ka mga adlaw, nag-away na pud mi. Naka-feel ko nga nangita na sab siyag bikil ug ingon sa iya ra kong gibaliwala. Pipila ka adlaw ang milabay, nagkuyog sila sa lalake. Sakit pero kinahanglan akong ihatag niya ang iyang kalipay. Sakto ba ang akong gibuhat?
MR. A
Mr. A,
Naa sab kay sayop kay nganong moingon man ang imong kapuyo nga moabot ra ang adlaw nga mobawos siya. Sa ato pa, nagbinuang sab ka niya. Maayo sab nga mahibawo ka nga ang babaye tagsa ra mag-iningon ana basta tarungon lang sa pagtagad sa lalake. Kana unta morespeto ug magmahal siyag maayo nimo kay gidawat mo ang iyang anak apan magsige na hinuon mog away. Kini tungod ra sab sa imong immaturity. Gawas pa tingali sa imong di maayong actions.
Sakto ka, kon unsay iyang ikalipay, ihatag na lang bisan tuod sakit nimo. Move on and learn from your mistakes. Di maayo nga imo siyang bilangguon sa inyong relasyon nga puno sa kasakit ug di maayo sa bata. Kon unsa may imong mga kasaypanan korihii o tul-ira. Learn from your mistakes.
NOY KULAS
Alang sa imong problema, e-mail sa kulassuper@sunstar.com.ph ug rojval69@yahoo.com