Binghay: Mas sayo, mas maayo

ANG kahingawa, kaguol ug ka kulba kung masakit og breast cancer di na sama ka grabi karon itandi sa kaniadto kay nagka-anam naman og kadaghan ang natambalan og sayo nga nanga-ayo. Salamat sa mga gipanghimong pagtuon sa mga eksperto pagpangita og tambal nga mo kumbati ini.

Karon sang panahuna, daghan na natong mga kababayen-an ang nahibalo sa epekto ini maong kada tuig na sab nga magpa-check-up.

Kining hilom apan makamatay nga breast cancer way ipakita nga mga simtomas apan kung duna kay mamatikdan nga kalainan sa imong suso, mas maayo nga moduol gilayon sa pinakaduol nga mananambal kay di kini ka kumpiyansahan.

Kalainan sama sa bugol-bugol nga mahilaman sa suso ug atngal, pag-usab sa gidak-on ini, pagpang-hubag ilawom sa ilok, pag-usab sa kolor sa atngal o pagpanggawas sa likido, gawas sa gatas, sa may atngal.

Usahay ang pagsakit sa suso sinyales sab apan di kini kumon. Ang uban maghubag, magpuwa, init kung hikapon nga murag pina-akan sa mananap.

Kung mas sayo kining madiparahan, mas sayon sab kining tambalanan.

Ang kanunay isibya sa mga mananambal magpa-mammogram kada tuig labi na og magpangidaron na og 45-54 anyos. Ang uban nga dunay mga kaliwat nga duna ining sakita dapat magpa-ultrasound ug MRI kay kini makakuha man og hulagway sama sa cyst ug fluid sacs nga di makuha sa mammogram.

Dako sab og matabang ang mag self-examination sa kaugalingong suso ka usa sa usa ka buwan. Mahimong magpatudlo sa imong doctor kung unsaon pag-examine sa kaugalingon.

Ayaw dayon kahadlok kung dunay mahilam nga bugol-bugol kay basi sa mga gipanghimong pagtuon 80% sa mga breast lumps o cyst di cancerous apan way kumo kung magpakunsulta gilayon aron dunay peace of mind og sa di pa ulahi ang tanan.

Kini sang breast biopsy epektibong paagi pagtino sa klase sa cancer kay magkuha man kini og sample gikan sa cyst o tumor. Importante kini kay duna may cancer cells nga kusog modaghan ug mokatag sa ubang parte sa lawas sama sa atong kabukughan ug baga.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph