NANGAYO karon og tabang gikan sa otoridad si Nick Carter, kinsa mipasang-at og temporary restraining kontra sa igsuon niyang si Aaron Carter.
Kini tungod sa makahadlok nga batasan karon sa batan-ong singer nga nanghulga nga patyon ang buros nga asawa ni Nick nga si Lauren Carter.
Sa post ni Nick sa Twitter, gisulti niyang mahal kaayo niya ang igsuon, apan gikinahanglan niini og saktong treatment sa kabalaka nga makapanakit pa kini og laing tawo.
"We love our brother and truly hope he gets the proper treatment he needs before any harm come to himself or anyone else," sa post ni Nick.
Pipila ka minuto, nagpost sab si Aaron og "So my brother just got a restraining order against me. And I was just served lol."
Dugang pa ni Aaron, "...nick you bullied me my whole life. And tortured me as a child. And everyone knows it."
Sa mando, angay nga 100 metros ang gilay-on ni Aaron gikan kang Nick ug pamilya niini. (Superbalita Davao)