SUPERBALITA DAVAO

Talento: Good Conduct Time Allowance (Ikaduha sa katapusang gula)

Panglantaw

HELLO po! Usa na pod ka adlaw'ng Sabado alang sa mubong chikahan nato. Kumusta?

Gihisgutan nato ang Republic Act 10592, o Good Conduct Time Allowance (GCTA), nga nagahatag og kagawasan sa mga binalanggo base sa ilang pagbinuotan sulod sa prisohan.

Nahimo kining kontrobersyal tungod sa daghang tinuntong pamaagi ang nadiskrube sulod sa Bureau of Corrections (BuCor) ubos sa pagdumala ni Nicanor Faeldon, ang natangtang nga hepe, ug posibleng sa uban pang mga lider nga nagkupot sa maong pwesto kaniadto.

Sa kasamtangan, narebisa na ang Implementing Rules and Regulations (IRR) sa GTCA diin gikategorya na ang mga heinous o mangilngig nga mga krimen nga dili angayan makagawas sa bilanggoan bisan nagbinuotan.

Aduna nay mo-review sa listahan sa mahatagan og GCTA gikan sa ahensya sa gobyerno ug ubang pribadong grupo.

Aprobahan na ang final listing sa Department of Justice (DOJ), ug ipagula na pod ang maong impormasyon sa pahayagan alang sa kasayuran sa tanan.

Niadtong Huwebes, Septyembre 19, natapos ang adlaw nga gihatag sa atong pangulong Rodrigo Duterte (PRRD) sa mga nakagulang piniriso pinaagi sa GTCA, migo. Ang dili mosurender, "shoot to kill" baya ang order -- kahadlok.

Bitaw, sa akong pagpanubay sa hearing sa Senado, makalagot pamalandungon nga daghang mga tunto ug nagatinunto sulod sa BuCor.

Dili lang ang pagbaligyag mga dokumento aron makagawas ang mga binilanggo kay nagbinuotan kuno apan anaa pod ang negosyo sa droga, pagpasulod og mga tilapia (babayeng namaligya sa ilang lawas), inom, sugal, pagpangupit sa budget sa pagkaon sa mga piniriso, paghatag og sertipikasyon sa doktor aron matambalan sa pribadong ospital gawas sa prisohan ang mga datung binilanggo, ug daghan pa seguro.

Ninggara pod ning ex-chaplain sa BuCor nga si Monsignor Bobby Olaguer. Sa kadugaydugay daw niyang chaplain didto, "wala ba kuno syay napausab bisan usa ka piniriso."

Ang tubag kay "WALA" kay dili man ka Ginoo. Si Lord ra ang makapausab sa tawo bisan 24 hours pa ka mag-ampo.

Ang tawo gayud, napriso na, mas nagtinunto pa-haaaaay! Ang ubang opisyal mora pog si Hudas.

Graduhan ug disenteg trabaho apan puno diay sa kahakug ang dughan. Unsaon na lamang pagsumpo sa kurapsyon diri sa Pinas, igsuon?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph