SUPERBALITA CEBU

10 angol sa disgrasya sa Argao

CEBU. Napulo ka mga tawo ang naangol human malimbawod ang sakay nga multicab sa Natalio Bacalso Highway sa Barangay Upper Taloot, lungsod Argao. (Photo courtesy of Kent Dalmao Rizon)

NAPULO ka mga tawo ang naangol human malimbawod ang sakay nila nga multicab sa Natalio Bacalso Highway sa Barangay Upper Taloot, lungsod Argao Sabado sa buntag, Septiyembre 21, 2019.

Sa pagsulat ning balita, anaa karon sa talandugon nga kahimtang ang upat sa napulo ka mga sakay sa multicab.

Matod ni Kent Rizon, Disaster officer sa lungsod sa Argao, gikan sa Sitio Bayabas, Barangay Cansoji ang multicab diin puno kini sa mga utanon nga ihatod unta sa Dakbayan sa Sugbo.

Sakay niini ang dili momenos 10 ka mga tawo diin duha niini mga bata apan.

Pag-abot sa kurbadahon nga bahin sa Upper Taloot, nawad-an matod pa og brake ang sakyanan.

Sa nakuha nga impormasyon ni Rizon didto pa lang sa Barangay Culawin kusog matod pa nakpadagan ang driver nga padayon pa nga giila sa kapulisan ug sa Disaster sa Argao ug pag-abot sa dapit wala nga maka-control human nawagtang ang iyang brake.

Tungod sa kakusog, nakulob ang multicab ug nahandos pa kini og mga 200 metros nga mi-resulta sa pagkaangol sa mga sakay niini.

Ang unom sa napulo nga biktima giila nga sila si Bernabe Aballe, Florentina Sabanal, Luinela Aballe, Layla Saguisa, Mariel Alcaide ug Angela Templa, nga pulos samaran diin giingong nagrabehan tungod mga hamtong na ug angayan nga ibalhin sa tambalanan sa Dakbayan sa Sugbo. (SunStar Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph