Super Blowout: 82nd Birthday ni Mana Peryang

GISUGAT SA MGA PAGKAON: Mihukom si Porferia "Mana Peryang" Resgonia nga dinhi sa Sugbo magsaulog sa ika-82 nga kasumaran sa iyahang adlaw nga natawhan. Miabot siya dinhi sa Sugbo niadtong Septiyembre 15, 2019 gikan og bakasyon sa Las Vegas, Nevada, U.S.A., nga mao usab ang iyahang birthday. (Tampo nga hulagway)
GISUGAT SA MGA PAGKAON: Mihukom si Porferia "Mana Peryang" Resgonia nga dinhi sa Sugbo magsaulog sa ika-82 nga kasumaran sa iyahang adlaw nga natawhan. Miabot siya dinhi sa Sugbo niadtong Septiyembre 15, 2019 gikan og bakasyon sa Las Vegas, Nevada, U.S.A., nga mao usab ang iyahang birthday. (Tampo nga hulagway)

ENGRANDE ang selebrasyon sa kasumaran sa ika-82 nga adlawng natawhan ni Porferia “Mana Peryang” Resgonia niadtong miaging Dominggo, Septiyembre 15, 2019.

Sa maong adlaw, mao usab ang iyang pag-abot dinhi sa Sugbo gikan sa sa iyang usa ka tuig nga bakasyon sa Las Vegas, Nevada, U.S.A.

Ang birthday party gihimo sa ilang panimalay sa Barangay Tunghaan, lungsod sa Minglanilla, lalawigan sa Sugbo.

Lamian nga mga sud-an ang gisaw-an sa mga bisita sa party. Naglakip kini sa duha ka inasal nga baboy, duha ka mga lechon manok, guisado, bam-i, humba ug uban pa.

Daghang mga tawo ang niduyog sa kasumaran sa adlaw nga natawhan ni Mana Peryang. Apil niini ang iyang mga ig-agaw, higala ug silingan.

Apan wala makatambong sa selebrasyon ang iyang unom ka mga anak nga pulos tua na sa Las Vegas.

Si Mana Peryang gikuyogan sa iyang apo nga si Jackielou Cweto, kinsa nibalik na sa Las Vegas.

Apil sa iyang birthday wishes nga padayon baskug ang iyang lawas ug taas nga kinabuhi alang niya ug sa iyang mga anak ug mga apo. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph