SUPERBALITA DAVAO

Saludo Kami: Long distance public servant

(Pinaambit nga hulagway)



ANG pagserbisyo sa publiko, di manginahanglan og posisyon.

Dunay pipila nga anaa na gyud sa ilang kasing-kasing ang boluntarismo nga pagtabang, ug alang nila, dako na kining kahimaya sa ilang pagbati.

Kinsa ba ang di pamilyar sa ngalang Xtian Serrano, nga pinamubo sa tinuod niyang ngalan nga Josephus Christian Villareal Serrano.

Sa mga always online, sigurado gyud nga nakahibala’g na kamo ning pangalana ilabi na ngadto sa group pages labot security ug queries sa Davao City.

Anak nila Estrella Villareal Serrano nga usa ka

OB-Gyne ug amahang retired colonel nga si

Nonito Berola Serrano, ang nahimugso sa Mati Davao Oriental, si Xtian kanhi volunteer firefighter sa Filipino Chinese Firefighters Foundation sa Davao City mga tuig 2002.

Sa iyang trabaho nga kanunay anaa naka-ung-ong sa peligro ang kinabuhi, wa kini igsapayan ni Serrano, apan madasigon sa kanunay sa pagbuhat sa iyang misyon.

Sa paglapad sab sa teknolohiya, uban sab ang pagbutho sa Facebook (FB), ang personal nga FB account ni Serrano maoy ginahimo niyang luna asa siya mo-post og mga updates labot sa katikaran sa dakbayan.

“At first, I always post on my old FB account regarding fires any other emergencies, power and water interruptions because I have an access of information from our friends who are also working in different agencies,” suma niya sa Facebook chat interview sa Superbalita Davao.

Ug aron mas daghan ang maka-access sa mga importanteng impormasyon, nakadesidar siyang mugnaon ang Facebook page nga Davao City 24/7 Fire Emergency page.

Apan tuig 2013 usa ka maayong tanyag ang miabot kaniya.

Si Serrano nakakuha og trabaho sa Cambodia, diin siya Fire Safety Officer sa usa ka Casino Hotel didto.

Aron ipadayon ang pagpaambit og impormasyon sa publiko, giduol siya ni Ret. Gen Frank Villaroman nga mahimong admin sa Davao City Public Safety and Security Page.

Ning panahona, si Villaroman ang hepe sa PSSCC.

Apan tungod sa pipila ka rason, ni Serrano nagmugna siya og kaugalingong FB page, ang Davao City Question and Answer Page nga karon nailang Davao City Public Information Page.

Apan bisan og tua siya sa layo, daghang mikwestiyon sa iyang ginahimo, apan si Serrano padayon sa paghimo sa iyang pagserbisyo.

Niya, bisan og anaa siya sa layo, nagpabilin ang komunikasyon niya sa mga higalang anaa sa nagkadaiyang buhatan nga makahatag sa tino ug importanteng imporasyon.

“Purely public service lang po. Since I still have communications with my friends in different vital agencies and I understand that people still needed the informations so I have to continue what I started.”

May mga higayong dunay naga-bash kaniya, apan ni Serrano, “ Some say “wala man na diri sa Davao ayaw mo tuo ana. Di ma na kabalo mo-credit sa mga pics, etc. Yes, even though wala ko sa Davao pero I have informations na normal citizen can’t access so I have to share.”

Tuod man sa matag kalampusan nga iyang naangkon sa trabaho ug pagtabang ngadto sa uban, alang ni Serrano nga kini sab inabagan sa iyang masinabtanong kapikas.

“Behind every successful man is a woman, behind her is his wife,” niya pa.

Ug alang ngadto sa nag-kwestiyon sa iyang mga pagtabang, pahayag ni Serrano, “Be in my shoe before you question me. I’m serving the people of Davao as long as i can. As long as I’m still able.”


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph