Diapers, mga botelya nakuha sa clean-up; 1.6 metric tons ang mga basura

MOABOT sa 1.6 ka metric tons sa basura ang nakuha sa pagpanglimpyo sa Cansaga Bay sa Brgy. Tayud, lungsod sa Consolacion, Sabado, Septiyembre 21, 2019.

Mga ahensya sa gobyerno sama sa kapulisan, Bureau of Jail Management and Penology (BJMP), Bureau of Fire Protection (BFP) ug Commission on Elections (Comelec) ningtabang sa mga kawani sa munisipyo sa Consolacion sa pagpanghinlo sa kadagatan.

Ang tinuig nga kalihukan tampo sa lungsod sa World River and Coastal Clean-up Day nga gisaulog kagahapong adlawa, Sabado.

Mga diapers, botelya, plastic ug uban pa nga klase sa basura ang nakuha sa kadagatan atol sa pagpanglimpyo.

Matod ni Mayor Joannes “Joyjoy” Alegado nga mahinungdanon ang kalihukan sanglit importante ang pagpreserbar sa kalikupan hilabi na nga aduna usay nanginabuhi sa kadagatan sama sa mga mananagat.

Sa miaging tuig sa Brgy Jugan ug Tugbongan ang gihinloan.

“Way of contribution in saving mother Earth and preservation of ecology and to maintain ecological balance,” matod ni Alegado. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph