Dalaga gihinol sa sikad drayber

NAPUNGOT ug nabalaka ang usa ka dalaga human gihilam ang iyang dughan sa drayber sa sikad diha sa dalan JV Seriña, Barangay Carmen, Siyudad sa Cagayan de Oro.

Gireklamo ni Sheena (dili tinuod nga ngalan), 24 ug residente sa Gumamela extension, Carmen si King, 52, minyo ug usa ka drayber sa sikad.

Sa impormasiyon gibutyag ni Sheena nga kalit lang nga gibira ug gihilam ang iyang dughan rason sa kaulaw ug kahadlok.

Walay laing nahimo ang biktima ug igo nalang sa pagpatala sa insidente.

Ang maong panghitabo ang nakatala na sa buhatan sa kapulisan ug giduso sa Women and Children Protection Desk (WCPD).