53 ka higayon nga nanglugos sikop

NUMERO unong wanted person sa kasong pagpanglugos ang nahulog sa mga kamot sa otoridad sa Gingoog City Police Station.

Ang suspetsado giilang si Rustom (apelyido gitago), 32 anyos, residente sa Siyudad sa Gingoog, Misamis Oriental.

Si Police Lieutenant Colonel Ariel Philip Pontillas, hepe sa Gingoog City Police Station, nisulti sa SunStar Superbalita Cagayan de Oro nga 11-anyos nga bata ang biktima ni Rustom ug sa makapila ka higayon nga gimolestiya.

Sulti sa biktima ngadto sa kapulisan nga halos matag adlaw nga himuon niini ang pagpanghilabot kaniya.

Dihang nareport kini sa kapulisan misibat ang suspetsado ug diay didto nagtago-tago sa Butuan City.

Gihimo sa kapulisan ang pagpangita niini ug gipaagi diha sa pag-post sa hulagway sa suspek sa social media nga nakatabang nga mahibaw-an ang lokasyon niini nga nadakpan sa Barangay Agusan Piqueño sa Butuan City.

Gisilbi sa kapulisan ang warrant of arrest nga adunay 53 ka ihap sa kasong rape nga gi-isyu ni Presiding Judge Mirabeus Undalok ug Judge Giovanne Navarro sa Branch 43 sa Gingoog City Regional Trial Court.

Walay piyansa nga girekomendar ang korte ug mapriso kini sa iyang tibouk nga kinabuhi.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph