SUPERBALITA CAGAYAN DE ORO

1,500 ka mga balay tukoron sa Marawi City

(Stephanie V. Berganio)



MOABOT ngadto sa 1,500 ka mga konkretong panimalay ang tukoron alang sa nagpadayon nga rehabilitasyon sa Marawi City.

Niadtong adlaw’ng Biyernes, Septiyembre 20, personal nga nahidangat si Technical Education and Skills Development Authority (Tesda) Secretary Isidro Lapeña aron mohatag og libreng skills training program sa mga residente sa dapit.

Ang mga mason, panday ug uban pa nga migradwar sa vocational course sa Tesda mao sab ang molakip og tabang sa katukoran niini.

Matud ni Lapeña nga samtang gapaabot ning uban nga maka-abroad, gamiton usa ang ilang skills nga natun-an dinhi sa nasod ug itabang labina sa katukoran sa mga puloy-anan sa Marawi City.

Ang rebuilding hiniusang pagtambayayong sab sa Holcim Philippines gipangunahan ni William Sumalinog, United Nations -Habitat sa pagpangulo ni Christopher Rollo ug lokal nga kagamhanan sa Marawi City sa pagpangulo ni Mayor Majul Usman Gandamra pinaagi sa City Administrator nga si Sultan Gandamra ug Task Force Marawi Secretary Felix J. Castro.

Matud ni Rollo nga Marso 2018 hangtud Marso 2019 pa unta kini nga katukoran apan tungod sa daghang hagit ug mga kwestyonableng mga luna hinungdan nga nalangay kini.

Mahatagan na kini og katumanan karon nga matukoran og 1,500 ka mga panimalay kon asa ang matag unit mokantidad og P205, 000 ug usa sa motukod niini ang mga kwalipikado lamang nga mga residente.

Samtang ilang gitukod ilang mga panimalay, modawat sab sila og sweldo. Sa matag balay adunay gilaing sweldo nga P50, 000.

Kaabag sab ang Holcim niini gumikan kay ang semento nga gamiton naggikan kanila.

Nasayran nga moabot ngadto sa 122 ka semento ang gikinahanglan aron matukod ang panimalay. Gibana-bana nga sa umaabot Nobiyembre, 300 ka mga panimalay ang matapos.

Si Assistant Secretary Task Force Marawi Felix Castro nipasabot nga dili tiaw ang ilang gihimong profiling, validation ug uban pa aron makasigurong ang apektado nga taga Marawi ang ma-prayoridad sa mga puloy-anan nga gitukod.

Daw adunay namuyo karon sa tent city apan kadto lamang ang mga renter nga nagpabilin karong panahona ug dili mobiya sa lugar.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph