SUPERBALITA DAVAO

Genoguin: Faeldon kurap og look out?

Kontra Balanse

NAGKALAIN-LAIN ang tumong o pangagpas sa katawhan nga nagpakabana sa mga nahitabo sa Bureau of Corrections (BuCor), adunay moingon nga kurap si Nicanor Faeldon, adunay sab moingon nga dili.

Balikan ta ang unang posisyon nga gitugyan kaniya ni Presidente Rodrigo Duterte, ang una niyang sala mao nga nalutsan siya og usa ka container van nga puno og gituohang shabu nga nagkantidad og P6.4 bilyon, ug ila pang gilambigit ang anak sa atong presidente nga si Congressman Paolo “Pulong” Duterte.

Sukad sa nanglabay nga mga presidente sa atong nasud, nagkalat ug mikuyanap ang droga sa atong palibot, pero wala nalambigit ang atong BuCor nga maoy agi-anan sa mga ginadili nga droga.

Aa atong pagtuo, backdoor ang lutsanan sa mga shipment niini, tungod kay sagad natong mabati, bugas ang ideklara, pero mga mahalon nga piyesa sa mga sakyanan ang sulod sa container van ug mga chop chop car.

Sa dihang gipalagpot si Faeldon, gipulihan siya sa atong amigo nga si PNP retired General Isidro Lapeña, pero mao gihapon ang nahitabo, nalutsan siya og binulto nga shabu nga mikantidad og P11.6 Bilyon.

Human mapalagpot si Faeldon, perting nakabatikos ang katawhan labaw na ang mga dilawan ngadto kang PRRD sa dihang gihatagan na usab siya og sensitibo nga pwesto nga mao ang head sa BuCor, hangtud nga nabulgar ang tanang iskandalo sulod sa National Bilibib Prison, ang pagbaligya sa Good Conduct Times Allowance (GCTA) nga ang gipangbuhian kadtong mga kombiktado sa heinous crime, bisan kung gidili kini sa Republic Act 10592.

Dili kay kini lang ang nahitabo, panguwarta sa catering, sa mga pagkaon sa piniriso, negusyo sa cellphone nga ang tag P5,000 nga kantidad ibaligya ug P50,000, ug ang tag P15,000 ang kantidad ibaligya og tag P1 Milyon.

Dili kay kana lang ang panapi sa mga kurap nga mga tawo sulod sa BuCor, ang talamak nga bintahan sa droga, gawas niini, apil na ang pagpanguwarta sa mga doktor ngadto sa mga milyonaryo nga binilanggo, nagpasakit-sakit aron igawas aron kunuhay ma-admit sa ospital bisan og walay sakit walay problema kay bayaran man ang doktor.

Nia pa’y laing panguwarta, sa mga kawani sa BuCor, kining gitawag og “ Tilapia” unsa maning tilapia nga isda nga maoy paliton sa nga high profile nga binilanggo? Sa atong pagkasayod, baratohon maning klaseha sa isda, apan diay dili, “mao ni’y gitawag og TDK tilap dalang kitkit, mga guwapang mga babaye na nagpaka-aron ingnon nga asawa sila sa mga binilanggo, pero, mga babaye sila nga bayaran og tag P30,000 ang gabii, wala pa’y labot ang mga komisyon sa mga tugahok nga di-ranggo ning maong buhatan.

Gipalagpot na si Faeldon, pero ang hungihong, mahimong hatagan pa kini og laing sensitibo nga posisyon sa atong gobyerno, ang pangutana nganong ingon daw ini kalakas si Faeldon kang PRRD?

Kurap ba si Faeldon? O lookout sa mga ahensiya sa gobyerno nga talamak ang kurapsyon? Atangan nato kung hatagan pa ba gyud siya ni PRRD og laing sensitibo nga posisyon sa atong panggobyerno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph