SUPERBALITA CEBU

Beermen gikulata; wala kapugong ni Stephenson

GIPANGLAMPORNAS ni ex-NBA Lance Stephenson ug sa Liaoning Flying Leopards sa China ang San Miguel Beermen, 111-89, niadtong Sabado sa gabii sa semi-finals sa East Asia League Terrific 12 sa Macau.

Ang Flying Leopards mao ang ningsakmit sa ikaduhang puwesto sa finals diin ilang ikaharong ang Seoul SK Knights sa South Korea.

Ang Beermen tataw’ng wala’y ikabuga batok sa 29 anyos nga si Stephenson, kinsa nagbangis dayon sa pagsugod sa kombati hangtod na sa katapusang gutlo.

Sa pagpangulo ni Stephenson, ang Flying Leopards, 2-time China Basketball Association (CBA) champions, ninglubong sa Beermen sa pinuntosay, 25-7, sa 2nd quarter nga maoy naghatag kanila og 51-30 nga labaw sa halftime.

Si Stephenson, kinsa nagduwa sa Los Angeles Lakers sa miaging season sa National Basketball Association (NBA), nagpakatap og 35 puntos.

“Coach mentally and physically made us prepared for the game. We’re all on the same page that’s why we played so well together,” matod ni Stephenson nga napatik sa Spin.ph.

Ang laing import sa Flying Leopards nga si Salah Mejri nidugang og 21 puntos alang sa kadaugan.

Ang Beermen gipangulohan ni Terrence Romeo pinaagi sa iyang 19 puntos.

Puntos matag usa:

Liaoning (111) – Stephenson 35, Mejri 21, Gao 14, He 13, Liu 9, Guo 9, Wang 4, X. Liu 3

San Miguel (89) – Romeo 19, Wells 16, Prosper 15, Pessuman 11, Cabagnot 9, Standhardinger 8, Nabong 6, Ross 2. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph