Pelikula ni JLo ban sa Malaysia

WAY purohan nga mohakot og halin ang pelikula sa Hollywood singer-actress Jennifer Lopez didto sa nasud sa Malaysia sa dihang nahukman nga dili kini ipasalida sa bisan asang sinehan sa maong nasud.

Si Lopez maoy bida sa pelikulang “Hustlers” nga gibase sa kinabuhi ni Samantha Barbash, gi-ila nga prostitute.

Ang pelikula mahitungod sa binuhatan sa mga prostitute diin ang ilang customer nga lalake iyang huthotan o kawaton ang kuwarta samtang wa kini sa panimuot human nga pa-imnon og ilimnong gisagulan og drugas.

Ang film censorship board sa Malaysia nipahibawo niadtong miaging semana kalabot sa wa paghatag og pagtugot nga kini ipagawas sa ilang mga sinehan human sa ilang gihimong review o screening, taho sa ABS-CBN.

Ilabi na nga nasuta nga naputos kini sa mga law-ay nga eksena nga una nilang gi-cut apan niguwa nga minus nalang unya ang mahibilin sa pelikula human nagpunay sila og tang-tang sa mga eksena.

Kahinumduman nga ang maong censorship board maoy responsible nga pag-cut niadtong gay sex scence sa pelikulang “Rocketman” nga base sa kinabuhi sa British singer Elton John. (B)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph