MAKALINGAW nga closing fellowship party ang mitak-op sa kasaulogan sa Cebu Press Freedom Week 2019 niadtong Sabado, Septiyembre 21, sa Mahogany Hall Oakridge Business Park, Mandaue City.
Highlights sa maong kalihokan mao ang presentation sa matag beat journalist nga gipa-agi sa music video.
Niguwang kampiyon ang grupo sa mga cameraman ug photographers sa ilang version sa British rock band nga “Queen” sa cash prize nga P15,000.
First runner-up ang SCORE/MALLET nga nakadawat og premyo nga P10,000 ug 2 nd runner-up ang REJOICE/CEJA – P7,000 samtang ang non-winners adunay tag-P3,000.
Ang maong fellowship party sponsor by San Miguel Brewery Inc., Oakridge, KEPCO-SPC samtang ang Sun.Star Publishing Inc. maoy nagsilbing lead convenor sa Cebu Press Freedom ning tuiga. (FVQ)