SUPERBALITA CEBU

Labella seryuso sa green project

MOTANOM og 3 ka milyon ka seedlings sulod sa tulo ka tuig ang kagamhanan sa dakbayan sa Sugbo ubos sa liderato ni Mayor Edgardo Labella.

Ang mayor nihulagway nga usa ka ambisyoso ang maong programa nga iyang gitawag nga “Cebu City Green” project.

“This is a kind of collective effort from all of us that we will plant three million trees with one million trees every year,” padayag ni Labella.

Ang mayor nagkanayon nga kini maoy usa sa paagi pagtabang para mamenosan ang baha sanglit ang kahoy sama sa gemelina, mahogany, narra ug uban pang kahoy maoy mokupot og tubig pinaagi sa ilang mga gamot ug makapalig-on sa yuta gawas sa kanunay nga paglimpyo sa kasapaan.

Karong Septiyembre 29, mao ang unang adlaw sa pagsugod nila og tanom nga pagasalmotan sa kapin o kulang 5,000 ka mga kawani sa Cebu City Hall.

Ang mayor na-enggaño sa paghimo sa maong proyekto human iyang nakita didto sa Xiamen City sa China nga bisan sa sa sentro sa siyudad anaa ang presensiya sa kahoy nga maoy mohatag og landong panahon sa ting -init ug maoy mobuga og oxygen para sa preskong pagginhawa.

INTER-AGENCY

Giangkon ni Labella nga dili mahimo ang maong proyekto kon walay tabang sa ubang ahensiya sa gobyerno ug sa katawhan.

Gumikan niini, ang mayor mohimo og executive order nga magmando sa pagtigom sa City Environment and Natural Resources (Cenro), City Agriculture Department (CAD, Human Resource Development Office (HRDO), Parks and Playground (PP) ug Department of Engineering DE).

Samtang sa national agency apil ang Department of Agriculture (DA), Department of Public Works and Highway (DPWH), Department of Environment and Natural Resources Office (DENRPO) diin si Labella ang chairman.

Gipadayag sa chief executive sa siyudad nga mo-tap usab sila sa Commission on Higher Eduaction ug Department of Education para sa ilang mga tinun-an sa higayon nga molusad na sila og massive tree planting.

Si City Administrator Floro Casas Jr., nagkanayon nga adunay makuhaan og pundo ang Cebu City para karong tuiga apan sa sunod tuig ila na kining iapil sa Annual Budget ug ilang kwentahon kon pila ang angayang ipundo para sa maong proyekto.

Ang buhatan ni Atty. Jigo Dacua sa CENRO ug Joey Baclayon sa City Agriculture nipasalig sa mayor nga mahimo sa siyudad ang maong proyekto ug makapatubo sila og seedlings nga posible adto magbase sa barangay.

was sa mga luna sa downtown area nga mahimong matamnan, plano nila nga butangan og tanom ang daplin sa karsada paingon sa mga mountain barangay.

Target sa City Government mao ang barangay Taptap ug kasikbit nga mga barangay sa south district sanglit lapad ang kayutaan sa maong mga dapit. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph