SUPERBALITA CEBU

Pasidaan sa Team: Huot nga trapiko sa UN Ave. karon

SUBLI nga giabisohan sa Traffic Enforcement Agency (Team) sa dakbayan sa Mandaue ang mga motorista nga karong adlawa, Septiyembre 23, masinati ang huot nga sitwasyon sa trapiko sa isyudad.

Mao kini ang gipahibalo ni Team Operations Head, Mario Gacko. Kagahapon, Septiyembre 22, ang unang adlaw sa pag-implementar sa bag-ong rota tungod kay walay klase ug nasinati nga kasaypanan makorehian karon.

Ang pagtuon sa maong rota moluntad og usa, ngadto sa duha ka semana.

Base sa bag-ong pamaagi, ang mga motorista nga mobyahe padulong amihanang bahin sa Sugbo gikan sa dan D.M. Cortes agi sa Cansaga Bridge ug moliko diha sa agianan ilawom sa taytayan sa Marcelo Fernan Bridge.

Sa bag-ong traffic scheme, mo-u-turn sa ilawom sa ikaduhang bridge ang public utility jeepneys paingon sa Norte pinaagi sa Jagobiao-Consolacion nga rota.

Ang mga bus ug mga sakyanan nga paingon sa norte gikan sa Cebu North Bus Terminal mo-u-turn sab sa ilawom sa bridge inay moliko sa wala paingon sa Pacific Mall diin gihulagway ni Gacko nga nagsugod na sa paghuot ang sitwasyon sa trapiko.

Samtang, ang mga paingon sa siyudad gikan sa Cansaga Bridge kinahanglan nga moliko paingon sa tuo, moagi sa U.N. Avenue ug dayon sa P.Burgos st. ug moliko sa wala paingon sa dan A.C. Cortes lahos ngadto sa dan D.M. Cortes.

Base sa mga tala sa Team, 28,377 ka mga passenger unit cars ang moagi sa Marcelo Fernan Bridge paingon sa U.N. Ave. kada-adlaw.

Gipanglantawan nga mas muhuot ang sitwasyon sa trapiko diha usab sa dan Basak tungod sa mga dagkong trucks nga mubyahe usab sa maong dalan.

Bisan paman niana, mitataw ang Team nga magpadayon ang rerouting, ingon man ang pagsusi kon epektibo ba o dili ang maong rota.

Magtambayayong hinuon ang tanang traffic offices sa siyudad sa Sugbo, Mandaue, Lapu-Lapu ug lungsod sa Consolacion aron sa paghimo og mas tinibuok nga pamaagi sa trapiko.

Matod ni Gacko nga possible pa hinuon nga mausab ang sistema sa sumusunod nga mga adlaw kon dili mahimong epektibo ang plano.

Giawhag ang tanan nga magsayo ug byahe, ilabi na sa mga tinun-an ug trabahante nga moagi sa mga nahisgutang dan aron malikayan ang pagkalangay. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph