4 most wanted sa Ormoc sikop

LEYTE. Upat ka most wanted persons sa Dakbayan sa Ormoc ang nasikop sa kapulisan sa Ormoc City Police Office ug City Mobile Force Company. (Contributed photo)
LEYTE. Upat ka most wanted persons sa Dakbayan sa Ormoc ang nasikop sa kapulisan sa Ormoc City Police Office ug City Mobile Force Company. (Contributed photo)

ORMOC CITY, Leyte -- Upat ka most wanted persons sa Dakbayan sa Ormoc ang nasikop sa kapulisan sa Ormoc City Police Office (OCPO) ug City Mobile Force Company (MFC).

Base sa report sa OCPO, ang mga suspek sagad dunay kaso sa rape ug nadakpan sa nagkalain-lain nga lugar sa nasud.

Ang upat gipresentar sa kapulisan atubangan ni Ormoc City Mayor Richard Gomez, Biyernes, Septiyembre 20, 2019.

Emosyonal ang mayor atol sa pagpresentar gumikan sa kabug-at sa salaud nga nahimo.

"Nainis ako. Number one, rape. Pangalawa, minors. Nasa tamang isip na tayo. By raping these kids, sinira mo na pati kinabukasan ng mga bata kaya naiinis ako," matod ni Gomez.

Nasikop sa kapulisan si Leonilo Talatayod, 52, taga Bonifacio Street, Ormoc City.

Si Talatayod dunay kaso nga 24 counts of rape diin niadtong tuig 2015 siya gipasanginlan nga milugos sa iyang otso anyos nga step daughter.

Alas 10 sa buntag, Martes, Septiyembre 17, 2019, nasikop sa OCPO-MFC pinangulohan ni Police Leiutenant Colonel Demosthenes Magnaan ang suspek didtonsa Quezon City.

Si Talatayod ang Top 2 Most Wanted Person sa Ormoc City.

Sa samang adlaw, usa ka 68 anyos nga lalake ang nasikop usab sa OCPO-MFC sa San Pedro, Laguna.

Giila ang suspek nga si Magno Laroya, 68, taga Barangay Mas-in, Ormoc City.

Si Laroya giakusahan og Acts of Lasciviousness sa usa ka 6-anyos nga batang babaye niadtong 2017.

Nasikop nila ni Police. Magnaan ang suspek sa Barangay San Antonio, United San Pedro, Laguna.

Nasikop usab sa kapulisan ang usa ka top seven most wanted person sa Ormoc City, alas 10:40, Septiyembre 16, 2019.

Giila ang suspek nga si Juanito Yahot, 40, taga Barangay Mahayahay, Ormoc City.

Si Yahot gipasanginlan og Rape sa iyang 9 anyos nga step daughter niadtong Mayo 2014.

Nasikop sa kapulisan ang suspek didto sa Purok 3, Barangay Alulod, Indang, Cavite.

Septiyembre 14, 2019, nasikop usab sa kapulisan ang usa ka wanted nga si Crisanto Ruta, alyas Santo, 38, taga Sitio Ahag, Barangay Can-untog, Ormoc City.

Si Ruta gipasakaan og kasong rape gumikan sa giingong paglugos sa usa ka 13 anyos nga batang babaye niadtong Marso 11, 2017.

Nasikop ni Magnaan ug kaubanan ang suspek, pasado alas 5 sa hapon sa Bula Street, Barangay Western Bicutan, Taguig City.

Matod ni Mayor Gomez, iyang ipasusi sa taga City Social Welfare and Development ang mga biktima sa Rape aron mahatagan og mga ayuda.

"Kahit malayo at magastos, that is our duty. But nandiyan naman si Mayor (Gomez) at very supportive naman sa atin. Napaka high morale ng mag pulis natin" matod ni City Director, Police Colonel Armel Gongona.

Dugang sa mayor nga bisan unsang orasa andam sila og tagana sa kapulisan pagtabang nga masikop ang mga dunay kalapasan aron mamintinar lang mga labing luwas ang Ormoc City lukop nasud.

"Pag naglabas na ng order ang court, we are always here to help the police," matod sa mayor.

Gisugilon usab ni Gongona nga mando niya sa iyang mga sakop nga ipakita sa katawhan sa Ormoc nga gibubat nila ang insakto.

Dako ang pasalamat sa kapulisan sa dakbayan kang Gomez, Vice Mayor Toto Locsin ug mga konsehales sa way hunong nga suporta sa ilang pagpatumam sa kahapsay ug kalinaw. (Superbalita Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph