Ifugao boxer bag-ong hari sa PBF

ANG garbo sa Ifugao nga si Carl Jammes Martin milampos sa iyang unang malisod nga tahas sa dihang gi-knockout ang gikahadlokan nga si Benezir Alolod sa ikapito ka round sa ilang away niadtong Biyernes didto sa Mandaluyong Elementary School sa Mandaluyog City.

Ang 20 anyos nga Martin, kinsa mipaundang sa iyang tanang pito ka mga kontra sa average og tulo round ra, nahatagan og katumanan ang iyang tinguha nga makontra ang 28 anyos nga Alolod, ang kanhi Philipine ug champion.

Bisan tuod nga mahulagway nga nakabintaha sa iyang kalidad, nagkinahanglan pa siya og hataas nga pasensiya una pa niya mapatikangkang si Alolod.

Gipasabot ni Martin nga nasuwayan na gyud ang iyang stamina ug kalig-on tungod kay grabi gyud ka gahi ang iyang kontra.

Nagsugod og ka awop si Alolod sa fifth round human kini matumba sa dihang naigo sa solidong tuo nga kumo sa tiyan nga gisundan og wala nga mitugpa sa apapangig.

Sa sixth round, mikalma si Martin apan pag-abot sa ikapito nga round didto iyang naantimano si Alolod ug nahapla sa kanbas nga bangog hinungdan nga giundang sa refere ang away sa 1:31 sa seventh round.

Sa kadaugan, ang lumad nga taga Hingyon, Ifugao kinsa mipasaka sa iyang record nga 14-0, 13 ka knokout mao na karon ang bag-ong Philippine Boxing Federation (PBF) bantamweight champion. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph