DUHA ka mga higanteng kompaniya sa real estate sa rehiyon ang pormal nga nilagda sa ilang panaghiusa niadtong Sabado, Septiyembre 21, AboitizLand ug Cebu Landmasters, Inc. (CLI), alang sa pag-ugmad sa bag-ong real estate development sa dakbayan sa Mandaue, (CLI).
Ang proyekto gitumong nga mosilbi sa mid-market, mixed-use, multi-tower condominium sa 1.2 ka ektaryang luna nga gipanag-iya sa mga Aboitiz (kanhi Metaphil) sa Mandaue.
Sa paglagda sa kasabotan sa panaghiusa, wala pay ngalan ang proyekto apan gikatakda nga sugdan na sa unang quarter sa sunod tuig 2020.
Si Erramon Aboitiz, presidente ug CEP sa Aboitiz Equity Ventures nagkanayon nga “...as AboitizLand continues its aggressive expasion in Luzon and Metro Manila, we remain grounded in our Cebuano roots.”
Dugang ni Aboitiz, ang bag-ong panag-uban nagpalig-on sa ilang presensiya sa Sugbo uban sa CLI, kinsa gipanag-iya sa iyang suod nga higala ug classmate sa grade school sa Sacred Heart School (karon Ateneo de Cebu) nga si Jose Soberano III, CEO.
“Bright boy (Soberano III) namo na sa klase,” matod ni Aboitiz atol sa press conference human sa paglagda sa kasabotan sa Aboitiz Corporate Office sa Bainilad, dakbayan sa Sugbo ug naumol ang panaghiusa gikan sa karaang panaghigala.
Samtang, si Jose Soberano III, Chief Executive Officer (CEO) nalipay og dako nga nahimong kauban sa mga dako ug karaang kompaniya sa real estate sa nasod nga Sugbuanon ug nagbase sa Sugbo.
Gibutyag ni Soberano nga si Aboitiz maoy ilang class president ug sukad niadto, nagpadayon ang ilang panaghigala hangtod nga nahimong kauban sa usa ka proyekto.
Dugang niya, daghang siya og gilantaw nga ehemplo sa liderato sa Aboitiz sa pagdumala sa ilang negosyo ug pagdala sa ilang mga tawo.
“With our roots in Cebu, AboitizLand and Cebu Landmasters understand the Cebuano market well. Our partnershop is a first and a milestones fot both companies. We ave decided to collaborate for the betterment of Cebu controbutiong to qaulity housing needs of the community,” matod ni Soberano III.
Ang real estate arm sa AEV, AboitizLand nahimong tinahod sulod na sa 25 ka tuig sa industry sa nagkalainlaingbahin sa nasod, lakip didto sa kaulohan.
Ang CLI bag-ong Sugbuanong real estate company nga natukod niadtong 2003 nga nagtutok sa Vismin areas ug nahimong listed public niadtong 2007, gipasidunggan nga “Best Developer in the Country” sa PropertyGuru atol sa Philippine Property Awards 2019. (RRM)