Pasidaan sa SEC bahin pautang online platform

ANG Securities and Exchange Commission (SEC) niluwat og cease and desist order (CDO) batok sa dugang 11 ka online lending applications tungod sa nagkalainlaing kalapasan.

Ang CDO, pinetsahan og Biyernes, Septiyembre 20, 2019, giluwatan batok sa mosunod: Cash Whale, Cash 100, Cashafin, CashMaya, CashFlyer, Cashwarm, Cashope, Cashwow, Creditpeso, ET Easy Loan ug Peso2Go.

Matod sa SEC, lending applications walay lisensiya sa olang operasyon ug daghang reklamo sa ilang pag-abuso sa pagpautang ug pagkolekta sa utang.

Ang online lending applications nagtanyag og sayon nga pagpautang ug paspas nga proseso, hinungdan nga daghang naingganyo sa pagpangutang sa online lending apps.

Ang CashWhale app nisaad sa dugang kasayon sa ilangpagbayad sa installment payment ug service fee nga ma-charged one-time gikan sa 0 ngadto sa 20 percent uban sa interest rate nga one percent kada adlaw.

Sa 11 nga nasuspenso nga apps, ang Cashope maoy labing dagang downloads nga 1,942 sa Playstore.

Apan kadaghanan sa apps dili available sa App Store.

Sa sayo pa, ang SEC nimando og cease and desist batok sa 19 online lending applications niadtong Septiyembre 12, sama sa Instant Pera, QuickPera, Lendmo Philippines, Binixo, CashBus, Cashcat, Cashuttle, Crazy Loan, Flash Cash, Happy2Peso, Hatulong, MeLoan, MoneyTree Quick Loan, Pera Express, Pera4u, Peramart, PesoLending, QuickPeso ug Umbrella.

Ang SEC niingon nga ang maong mga apps nakalapas balaud sa lending. (RSR, PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph