SA TINGUHA nga masulbad kining naghinobra nga kainit sa atong kalibutan karon o kining climate change – ang pagkausab sa atong panahon, nanggawas kining nagkadaiyang sugyot.
Usa ka scientist sa Sweden nagduso alang sa alternatibong pagkaon sa umaabot nga panahon diin magnihit na unya ang suplay sa pagkaon tungod sa climate change.
Atol sa iyang presentation sa “Future of Food” sa telebisyon sa ilang nasod, giduso sa maong scientist nga kining cannibalism o pagkaon og unod sa tawo mahimong panginahanglan na unya kini tungod sa grabeng epekto sa climate change.
Giangkon hinuon sa maong scientist nga daghan mosupak sa iyang panghunahuna apan nagtuo siya nga madawat ra unya kini sa kadaghanan.
Sa iyang usa ka pamahayag, si Pope Francis nagkanayon “usa ka kalibutanong kauyonan gikinahanglan aron pag-edukar sa katawhan kabahin sa kahiusahan sa tanan ug alang sa bag-ong pagtratar sa katawhan.”
Gipasantop ni Pope Francis kining “new humanism,” nga kon kabahin sa American Humanist Association “makaayo kining kon wala ang Diyos.”
Gani, nanawagan karon si Pope Francis sa tanang pangulo sa kalibutan pagpirma niining Global Pact sa Roma karong umaabot nga Mayo 14, 2020, sa tinguha pagpasantop sa mga batan-on kabahin sa kalihukan sa kalibutan ilabi na gyud kon unsaon pagpreserbar sa kalibutan nunot niining climate change.
Kinsa ba gyud ang angay basolon niining climate change karon. Sa miaging semana, nisamot ang problema sa kainit sa kalibutan tungod sa nagsunod-sunod nga sunog sa mga dagkong kalasangan sa bisan asang dapit sa kalibutan. Gituyo ba kini o aksidenti lang.
Duna ba kahay daotang tinguha nagpahipi niining pagduso sa solusiyon kunohay sa climate change. Unya, katingad-an kay nigrabe na pag-ayo ang pollution sa tibuok kalibutan inay kaminusan kini. Wala bay nagpaluyo niining tanan?
Basi sa pagtuon, dunay 100 ka mga tawo o kompaniya nga nag-operate sa bisan asang dapit sa kalibutan ang matumbok nga dako og natampo sa climate change gumikan sa ilang mga establisemento o factory nga naghatag og grabeng pollution sa palibot.
Nganong wa man gyud matarog kining mga adonahan nga nagpasuwabe sa ilang patigayon nga makadaot pag-ayo sa kinaiyahan?
Kon tun-an nato ang Balaang Kasulatan, dili gyud ikatingala nga moabot ang kalibutan sa maong sitwasiyon. Sa ulahing mga adlaw, mas mograbe pa ang mga panghitabo sa atong palibot, apil na niini ang climate change.
Wa ba nato nakita ang lihok sa mga simbahan og mga politiko paghiusa o pagkab-ot og programa aron mahiusa ang tanan. Nindot ang maong tumong, apan kon ugaling gituyo ang panaghiusa aron sa pagduso sa ilang daotang agenda nga supak sa kabubot-on sa Diyos, nan, kana angay natong bantayan.
Timan-i, kining tanan mosangko ra gyud ngadto sa pagsimba sa tinuod nga Diyos. Duha ray kapilian, ang iya sa daotan ug iya sa Ginoo.
Sa pagkakaron, giduso sa Vatican kining Sunday Sacredness kon pagbalaan sa adlawng Domingo aron kaminusan o hingpit did-an ang tanan sa pagtrabaho o operate sa makinarya atol sa Domingo aron mapugngan kining pagbuga og pollution sa kalangitan.
Ang pangutana, unsa man ang tinuod nga adlawng igpapahulay sa Ginoo – Domingo ba o Sabado. Basin baya kining mga lakang sa kadagkoan sa kalibutan misukwahi sa kabubot-on sa Diyos.