DAKO kaayo ang posibilidad nga iuswag na sa sunod tuig ang umaabot nga Sangguniang Kabataan (SK) ug barangay election.

Ang Department of Interior and Local Government (DILG), Malacañang ug mga magbabalaod uyon kaayo sa resolution ni Kong. Rodolfo “Ompong” Plaza sa pag-uswag sa eleksyon.

"The Manny Pacquiao Blog". Click here for stories and updates on the Filipino boxing champ.

Matod ni Plaza sa interbyu sa mga tigbalita sa Sugbo nga human niya gipahibawo ang iyang resolosyon sa publiko, nakadawat dayon siya og positibo nga reaksyon sa DILG ug Malacañang.

Apan wa ibutyag ni Plaza kon si kinsa kining maong mga opisyal nga mipaluyo sa iyang resolusyon.

Nakadawat usab og positibo nga reaksyon si Plaza gikan sa mga mayor ug mga barangay opisyal gikan sa nagkalain-laing mga lugar.Wa usab niya isalikway nga adunay nisupak sa resulosyon, ilabi na niadtong mga lumolupyo sa usa ka barangay nga wa na makauyon sa ilang mga opisyal nga way nahimo.

“For me, unsay atong pilion, mag-eleksyon ta or gutom? Asa ana ang priority?” matud pa ni Plaza.

Subay sa resolosyon, ang gigahin nga P3.2 ka bilyon nga alang unta sa barangay election gamiton sa gobyerno sa mga proyekto nga makatabang sa suliran mugna sa El Niño.

Ang salapi mahimong gamiton isip subsidy alang sa pagkaon sa mga mag-uuma, pagpaayo sa patubig sa mga mag-uuma, panginahanglanon kon mahuman ang El Niño ug uban pa, matod ni Plaza. (JFT)