Gidudahang refilling station sa butane nasunog

USA ka gidudahan nga butane refilling station sa Sitio Dawis, Barangay San Roque, siyudad sa Talisay ang nasunog ganinang 12:30 sa udto, Septyembre 24, 2019.

Nagbuto-buto ug nanglagpot pa kining mga dagkong tangke nga naay sulod nga liquified petroleum gas (LPG) sa dihang nialarma ang kabomberuhan sa dakbayan sa Talisay.

Nagpasad ang kapin na sa 50 ka nga dagkong tangke sa LPG, gani ang ubang parte niini ang naglupad ug nitugdon sa silingang subdivision.

Lakip sa nasunog ang tulo ka sakyanan.

Gisusi pa karon sa Talisay Fire Department kon si kinsa ang tag-iya sa maong establisemento.

Giisa ang maong sunog sa first alarm, alas 12:40 gideklarar nga under control ug fire out 1pm. (Superbalita Cebu)