ANG ka-talagsaon sa mga Comvalenyos makita diha sa ilang kultura ug tradisyon, apan kini hinay-hinay nga napapas tungod sab sa paspas nga pagsulod sa kalambuan dala sa modernong panahon.

Tungod ang ilang kultura usa ka kabilin, nasuta nga ang kalampusan aron ma-promotar ang kagikan, bisan ang relihiyon, edad, demograpiya, grupo sa pulitika wa makapugong sa panaghiusa, pagtinabangay nga naangkon sa dose anyos na nga probinsiya.

Ang tinuig nga Bulawan Festival, sumala pa labing dako nga kasaulugan sa lugar tungod gisaulog kini dungan sa founding anniverary sa probinsiya. Nagpakita kini sa pagtambayayong sa mga Comvale¤os.

Ang Bulawan (nagpasabot nga ang probinsiya abunda sa bulawan uban pang mineral deposits). Ang aktibidad gisugdan niadtong 2008 pipila ka bulan human si Comval Governor Arturo "Chiongkee" Uy milingkod sa iyang pwesto.

Usa kini ka tradisyon nga gipasa na ngadto sa uban, mipakita sa pagtinabangay sa mga lider, katawhan sa lugar.

Ni Uy "the celebration is indeed reaping the fruits of everybody's labor."

Pahayag ni Bulawan Festival action officer, Senior Provincial Board Member Maricar Zamora-Apsay, ang karon nga tuig nga kasaulugan mas dakong hagit alang nila tungod sab sa umaabot nga nasyunal, lokal nga piliay.

"Mas may meaning ngayun amidst the ongoing election campaign. This is our way of calling for a ceasefire (to the political campaign) and its time for a celebration," ni Apsay.

Ang nagkadaiyang kolor nga suot sa local government functionaries, ni Apsay way buot pasabot.

"Political candidates giving speeches during the different public assemblies were just an opportunity accorded to them so that Comvalenyos will be more discerning in choosing their bets. Definitely we reminded the candidates to refrain from engaging in negative speeches and mudslinging," dugang niya.

Ang 3rd Bulawan Festival ug 12th Founding Anniversary celebration nga gisugdan gikan Marso 3-7 mipakita sa mas halapad, grandiyoso nga selebrasyon.

Kamatuoran niini ang halapad nga partisipasyon sa tanang pribadong sektor, gobyerno lakip na provincial government, local government units sa onse ka munisipalidad nga gilangkuban sa Nabunturan, Compostela, Montevista, Maco, Mawab, Monkayo, Mabini, Laak, Maragusan, Pantukan, ug New Bataan.

Bisan og init ang panahon wala kini makapugong sa libuan ka mga Comvale¤o nga modagsa diha sa kadalanan aron saksihan ang mabulukon nga Float Parade, motorkada, timailhan sa usa ka semana nga kalingawan.

Sila Govenor Uy, Vice Governor Ramil Gentugaya, second district Representative Rommel Amatong ug first district Representative Manuel Zamora maoy nanguna sa opening program, buntag, Marso 3 uban si kanhi Makati City Mayor Jejomar "Jojo" Binay, artista nga si Philip Salvador.

Unang adlaw

Nasaksihan ang pag-abli sa Agri-Trade & Tourism Fair, Tribal Village, ug Ginto at Pilak Jewelry Bazaar. Gihimo sab ang mass dance showdown, dungan nga Larong Pinoy. May Techno Demo Update sab sa SP Session Hall nga mipakita sa hagit, oportunidad sa cacao production, fish production (Pangasius), ug goat raising.

Atol sa kagabhion gilingaw ang tanan sa "LGU goes Broadway." Nagkalain-laing local government units mipakita sa ilang produksiyon sama sa West Side Story, Les Miserables, Miss Saigon, Jesus Christ Superstar, Arabian Nights, Cats, Moulin Rouge, Cabaret, Dreamgirls, High School Musical, Chicago.

Ikaduhang adlaw

Sa maong adlaw, gibaha sa mga kandidato nga nagpapili karong piliay ang probinsiya. Aktibidad nga gihimo mao ang paghatag og pahinungod, pag-ila sa mga social services volunteers sama sa Barangay Health Workers (BHWs), Barangay Nutrition Schoolars (BNS), Day Care Workers, tungod sa ilang mga paningkamot.

Nakigduyog sila Nacionalista Party (NP) presidential candidate Manny Villar ug vice presidential bet Loren Legarda, NP senatoriables Mon Mitra, Bongbong Marcos, Satur Ocampo, Liza Maza, Adel Tamano, Totz Ople, ug Gilbert Remulla.

Pagka-hapon, napuno sa makabungoog, apan lingaw nga musika ang lugar.

Siyam ka mga grupo nagtigi sa Lanog sa Kapitolyo, usa ka Drum and Bugle Contest.

Mipakita sa ilang kamaayo ang mga partisipante gikan Laak Elementary School, Compostela Elementary School, Maco Elelmentary School, Tagdangua Elementary School sa Pantukan, Olaycon Elementary School, Nuevo Iloco Elementary School, New Visayas Elementary School, Sta. Maria Elementary School ug Pindasan Elementary School sa Mabini.

Gihimo sab ang Concert for Peace Bands nga nag-feature sa banda gikan Philippine National Police (PNP) ug Armed Forces of the Philippines (AFP); "Cartoon Nitework."

Makalingaw sab nga paminawon ang katawa sa mga sumasaksi atol sa comedy show nga gidalit sa tulo ka mga inilang komedyante sa nasud nga sila Vice Ganda, Marisa Sanchez ug Ogie Diaz.

Mibirit sab ang mga misalmot sa Grand finals sa Garbo Comvalenyo Season 3 kun diin ang singing champion nga si Raffy Salazar maoy ispesyal nga bisita.

Atol sab sa Deped night, nasaksihan ang inila nga cartoon film musicals sama sa Shrek, Madagascar, Alvin and the Chipmunks, Happy Feet, fairy tales sama sa Sleeping Beauty, Beauty and the Beast, Alladin.

"It is a cartoon night with a twist to divert from the common impression that our teachers uplifted the dignity and respect for all our teachers," ni Apsay.

Samtang si Lakas-Kampi-CMD presidential bet Gilbert Teodoro maoy speaker sa "Bulawanong Batan-on" o panagtapok sa mga kabatan-onan niadtong Marso 6. Siya milingaw pa sa mga mitambong pinaagi sa pagkanta sa sonatang "Usahay".

Ang katapusang adlaw sa kalingawan gitapos kagahapon pinaagi sa grandiyoso, dakong parada nga gitawag sab og "Bulawanaong Pasundayag sa Kadalanan."

Giharana sab sa Apo Hiking Society nga gilangkuban nila Danny Javier, Boboy Garrovillo, ug Jim Paredes ang mga tawo sa dapit.

Nahingangha sab ang katawhan sa probinsiya sa 15-minutos nga fireworks display isip pagtapos sa selebrasyon.