GIPUSIL ang kanhi import sa Philippine Basketball Association (PBA) nga si Andre Emmett kagahapon (RP time) duol sa iya mismong panimalay sa Dallas, USA.
Si Emmett, 37, naglingkod sa iyang sakyanan mga alas 2:30 ang takna sa kadlawon dihang duha ka mga tawo ang ningduol kaniya nga adunay dalang armas.
Matod sa kapulisan nga adunay panaglalis nga nahitabo una napusilan si Emmett.
Nakaduwa siya sa NBA ubos sa kampo sa Memphis Grizzlies ug New Jersey Nets.
Nahimo siyang import sa PBA ubos sa kampo sa Meralco Bolts niadtong 2015 PBA Commissioner’s Cup. (ESL)