ANG Ateneo de Davao University (Addu) Blue Knights ug Rizal Memorial Colleges (RMC) Bulldogs miguwang kampeyon human gipanglup-og ang tagsa-tagsa ka kaatbang sa Best Center Davao SBP-Passerelle Twin Tournament finals nga gihimo sa Barangay Mintal Multi-purpose Gym sa nakalabay nga weekend.
Ang Blue Knights, diin gigiyahan ni coached Harry Hipolito, mipildi sa Ford Academy of the Arts, 71-58, luyo sa gihimong aksiyon sa most valuable player (MVP) John Alpapara uban ang kaluha niyang si Jake nga mipakita sab og impresibo nga duwa.
Ang Ateneo midaug sa SBP title sa 20th consecutive year apan ikaupat nga titulo ilawom sa paggiya ni Hipolito.
“Ang goal namin is to qualify for the national finals so we have to win regional finals on October 12 and 13 dito sa Davao,” niya, diin ang Davao champion isangka sa kampeyon sa Zamboanga ug Cagayan de Oro sa eliminasyon.
Ang Blue Knights uwahing nagrepresenta sa rehiyon sa nationals niadtong 2015.
“We are really hoping to win the regional qualifying. For the past four years, I think this year is the most competitive team I’ve had so I like our chances,” suma sa coach.
Ang San Pedro College nabutang sa ikatulo.
Ang tim gilangkuban nila Al-zaki Ameer O. Sangki, Theodore Emmanuel G.Zamora, Julian Joaquin L. Garcia, Astin Parker P. Sañano, Abram Kyle C. Amaneo, Jalf C. Pitulan, Andre Joshua G. Cayoca, John Vincent Paul Lantajo, Joshua Dylan C. Quitain, Rufoz Benjam A. Catayas, Andrew Dexter S. Castro, Mark Julius R. Magnaye ug Gabriel Carlos J. Manzano
Sa passerelle category, ang RMC Bulldogs mipayukbo sa Holy Child College of Davao Reds, 90-85, sa ilang titular showdown.
Samtang ang Philippine Nikkei Jin Kai International School nakahuman sa ikatulong pwesto sa liga.