Dear Tita Heart,
Maayong adlaw nimo ug sa SuperBalita staff. Ako si Jel Ann taga Misamis Oriental. Usa ko ka Overseas Filipino Worker (OFW) sa Hong Kong nga nakauli niaging bulan. Nagpuyo ko karon tita sa balay sa akong mama kay ang akong bana tita nikuyog sa laing babae. Samtang naa pako sa Hong Kong, maayo among komunikasyon sa akong bana ug akong kwarta sa iya nako gaipadala aron pagpatukod og sugod sa among balay.
Akong mama sige pod chat sa akoa nga nambabae akong bana pero dili ko mo tuo kay maayo man amo komunikasyon. Pag uli na nako nahibaloan ang tanan tita nga wala nahuman ang natukod na balay ug wala na akong bana. Gi block ko niya sa iyang Facebook account ug wala nakoy balita niya. Tambag sa akong mama pasalamat daw ko wala pami anak.
Pero tita, hangtod karon gugmahan pa kaayo ko sa akong bana. Magsige ko hilak karon nga iya kong gibyaan. Akong pagpanarbaho sa gawas nga dili sayon murag nabalewala tanan. Guilty pod ko pagmakita nako akong mama nga dili nako gatuohan sa una. Unsa akong buhaton na mawala ni ang akong kasakit nga gibati?
Jel Ann
*****
Dear Jel-ann,
Time will heal sister. I-focus imong huna-huna sa imong future. Daghan pa moabot nmo inig mobalik kaman sa abroad ayaw ihurot imong pagsalig sa tao. Ask og guidance ni God, ayaw pawala sa paglaom kay basin dili gyod siya ang lalaki para sa imoha. God bless you.
Charina Valiente Tomaquin, SB CdeO FB followers