NAKA-WOW ang mga judges sa performance sa bag-ong gihirang nga Singing Ambassador sa Misamis Oriental nga mao si Lobertson Duayao, lumad nga taga Lugait, diin gipildi niini ang mokabat 24 ka mga partisipante.
Nasungkit niini ang kadaugan sa maong titulo atol sa culmination event sa Tourism Week niadtong Setyembre 16 ngadto Septiyembre 20 2019, sa Ayala Centrio Mall, ning siyudad sa Cagayan de Oro.
Gawas sa titulo nasakmit sab ni Duayao ang mitaginting nga cash prize nga P15,000 ug plake.
Nagikan sab sa lungsod sa Libertad nga mao si Andrea Villa ang misungkit sa ikaduhang pwesto ug midawat og P10,000 cash award ug plake.
Samtang si Marjolyn Tigon, gikan sa lungsod sa Magsaysay, maoy 3rd placer nga nakadawat og P7,000 cash ug plake.
Ang matag contestant nagbitbit gihapon og P3,000 isip consolation prize ug certificate.
Sila ni Mr. Ralph Ramos, Lawrence Bersaldo, ug Maria Liezel Garcia ang panel of judges kinsa nihatag sab og lingaw sa mga manan-away dihang mikanta sa OPM hit song niini nga “Gisingin ang Puso”.
Naila si Liezel nga maoy gaawit sa mga official soundtrack sa mga drama series sa usa ka television network.