SA DILI madugay gitakdang magpatuman ug iimplementar ang no smoking ban sa dakbayan sa Gingoog.
Si Mayor Erick Cañosa gitakdang magpagawas og executive order aron mapatuman ang daan na nga balaod nga no smoking ordinance sa siyudad.
Kini sa tinguha nga malikay sa sakit nga dala sa sigarilyo ang mga residente sa Gingoog ug presko nga hangin ang ilang mabaho hilabina kon mosuroy sa mga pampublikong lugar.
Matud ni Nicole Managbanagm ang City Information Office sa Gingoog, nga mismong ang mayor ug bise mayor nga si Peter Unabia ang dili gapanigarilyo hinungdan buot nilang luwas sa sakit ang Gingoognon.
Tun-an pa usab ang proposal nga kung masapon nga nanigarilyo multahan og P3,000 sa pinaka unang kasupakan human adunay misupak niini sa kadako.
Lakip sa gi-istudyuhan kung asa lang dapit sa siyudad ang smoking place ug ingon man ang mga lugar nga gidili ang pagpanigarilyo.
Laumang bulan sa Oktubre kini nga mapatuman.