ILHON isip labing maayong boksidor sa welterweight division ang modaog sa unification bout karong Dominggo, Septyembre 29, tali nila ni Shawn Porter ug Errol Spence Jr., duha sa posibleng sunod nga makontra ni Filipino Manny Pacquiao.
Nagkanayon si World Boxing Council (WBC) president Mauricio Sulaimán nga mihatag og kaseguroan nga ang modaog ning awaya mao ang mahimong welterweight king sa Ring Magazine, nga gikonsiderar nga bibliya sa boksing.
Si Porter maoy kampyon sa WBC ning maong timbang, samtang si Spence Jr. kampyon sa International Boxing Federation (IBF).
Gipasabot ni Sulaiman nga angayang konsiderahon ang kalisod sa pagpahigayon og unification bout ning panahuna hinungdan nga angayang lang hatagan og dakong dungog ang modaog ning awaya.
"Spence and Porter, two champions, are promising a Leonard-Hagler or Leonard-Hearns style of fight and there is a great expectation and the winner will undoubtedly be recognized as the best welterweight in the world," matod ni Sulaiman sa interbyu sa ESPN Deportes.