UIC, CJC gipangyabo mga kaatbang

ANG University of the Immaculate Conception (UIC) ug Cor Jesu College (CJC) sa Digos mipildi sa tagsa-tagsa nila ka kaatbang sa Davao Association of Catholic Schools (Dacs) Sportsfest 2019 college men's volleyball tournament sa Ateneo de Davao University (Addu) Jacinto gym.

Ang UIC nakarekober sa kapildihan sa second set aron lup-ugon ang Holy Cross College of Calinan (HCCC), 25-19, 25-27, 25-20, sa elimination game.

May mga serye sa sayop nga nahimo ang UIC, apan nakabawi sila og nakuha ang kadaugan.

Apan si UIC coach Acee Poral, sa pakighinabi sa SunStar Davao, nagsulti, "Dili gihapon mi masulod sa quarterfinals maski 2-1 among standing sa bracket."

Ang Philippine Women's College (PWC) ug St. Mary's College of Tagum, isip nag-unang top two nga tims sa bracket, ang moabante.

Ang uwahi may 2-1 card apan gipildi nila ang UIC, 25-17, 25-21, Martes sa hapon.

Sa ubang duwa, ang CJC mipildi sa San Pedro College (SPC), 25-16, 25-22, samtang ang HCDC mi-demolis sa St. Peter's College of Toril (SPCT), 25-7, 25-8, ug PWC mipakamang sa SMCT, 25-14, 25-19.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph