Global Witness: Administrasyon ni Duterte palpak

SunStar Cagayan de Oro
SunStar Cagayan de Oro

GIBUTYAG sa Global Witness, nga usa ka international non-government organization kinsa nagpahigayon og panukiduki, nga palpak ang administrasiyon ni Presidente Rodrigo Duterte nga panalipdan ang tawhanong katungod ug kinaiyahan.

Atol sa gipahigayong press conference sa maong organisasyon, ilabi na sa pagpangulo ni Ben Leather sa Global Witness ug usa ka langyaw nga sa ilang gipahigayong pakigsusi, nasutang palpak ang administrasiyon ni Duterte.

Gidugang pa niini nga ang saad ni Duterte nga protektahan ang kinaiyahan apan dili gani maprotektahan ang mga tawo nga nanalipod niini. Giingong naghitak usab ang korapsiyon sa agrikultura ug uban pa ug walay aksiyon nga gihimo ang gobyerno.

"So in short, our report shows that ultimately in the Philippines, it's business as usual, and in the Philippines, that means business that will cost with land and environmental defenders paying the highest price," matud ni Leather.

Gipanganlan usab niini ang mga dagkong mga planta ug kampanya nga giingong nag-operar nga nakalapas sa balaod.

Giingong gikan sa Hunyo 30, 2016 hangtod Hunyo 30, 2019, anaa sa 113 ka mga land and environmental defenders ang gipatay kumpara sa ninglabay nga tulo ka tuig sa wala pa naglingkod si Duterte nga anaa lang sa 65.

Anaa usab sa 46 porsyento ang giingong pagpamatay nga gitoohang armed forces ang nihimo niini ug giingong anaa usab sa 36 porsyento ang pagpamatay nga nalambigit sa agribusiness ug 27 porsyento sa mining.

Samtang kasagaran sa giingong pagpamatay nahitabo sa Mindanao nga dunay 44 porsyento ug 27 porsyento usab ang giingong gipatay sa administrasiyon ni Duterte ang indigenous people.

Giingong duna kini silay mga ebedensiya nga nagpamatuod sa giingong mga alegasiyon nga paglapas sa mga tawhanong katungod ug uban pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph