SUPERBALITA CAGAYAN DE ORO

Kapitan aminadong gikan sa masa

AMINADO ang usa ka barangay kapitan nga gisudlan niya ang pagka masa kon supporter sa New People Army (NPA) aron mahibaloan lamang kinsa sa mga residente sa Barangay Eureka, Gingoog City ang mga nahisakop niini.

Matud ni Kapitan Forferio Duque III nga gusto siya mohilak dihang ibalik lantaw ang pagpatay sa iyang lolo ug amahan niadtong Nobiyembre 22, 1982 kon asa 5-anyos pa lamang siya nailo.

Daw dili kini niya malimtan ug aminadong lisod kaayo ang ilang barangay.

Dugang niini nga dili giyera sa armas apan ilang nasinatian mao ang giyera sa pamahaw, paniudto ug panihapon.

"Dili pa ako kapitan, nasayod na ako sa problema sa Barangay Eureka. Gamay nga kasikas, gamay nga problema bahin sa panginabuhian, mahimong labad sa katawhan tungod kay dili giyera ang bala, dili giyera sa kalibutan apan giyera sa pamahaw paniudto ug panihapon," matud ni Duque.

Dugang niini nga sulod sa pila ka katuigan nga problema sa kalisod, kwestyonable alang kaniya kung kinsa sa mga residente ang gasuporta sa walhong grupo nga usa sa hinungdan sa kalisod, hinungdan iya kining gisudlan ang pagkamasa.

"Dihang pagsulod nako sa usa ka masa, nahibaw-an nako nga mao diay kining mga tawhana. Nia diri sa Eureka ang dakong masa apan nahimong neutral," matud niini.

Dugang niini nga walay kaayohan ang dala sa NPA.

"Nakita sa tanan katawhan ug labaw sa gobyerno ang mosulod sa kalihokan ngitngit ang inyong kaugmaon," matud ni Duque ug miingon nga doul kanunay sa iyang kaugalingon ang gobyerno tungod kay kanhi sab siya sundalo.

Gumikan kay daghan ang mibalik sa sabakan sa gobyerno sa ilang barangay ug sunodsunod nga suporta sa gobyerno ang ilang nadawat, ilang gideklarar nga dili na welcome kon persona non grata ang walhong grupo sa ilang barangay.

Kini atol sa paglusad ug pag-activate sa Misamis Oriental Task Force to end Local Communist Armed Conflict kagahapon, Septyembre 26, sa Barangay Eureka, siyudad sa Gingoog, Misamis Oriental.

Gilusad kini sa maong barangay gumikan nahimong kanhi hotspot sa NPA ug napalibutan sa upat ka lalawigan sa Bukidnon, Misamis Oriental, Agusan del Norte ug Agusan del Sur apan karon usa na sa NPA cleared barangay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph